الموضوع: اسوأ يوم ...
عرض مشاركة واحدة
قديم 13-04-2012, 11:06 PM   #1
Bedor
هاوي







اسوأ يوم ...

السلام عليكم ورحمه الله وبركاته

يوم الثلاثاء 10 ابريل

لما رجعت من المدرسه اكتشفت ان نونا همسترتي الروسيه الانثى تعبانه وفيها اسهال حاد وممكن تموت بعد جم ساعه

زعلت حيل على نونا لدرجه اني قعدت احدق فيها ساعات واهي ثابته ما تتحرك ومنسدحه على ظهرها وشكلها تتعور

مسكينه ، اراقب نفسها واتمنى انه ما يوقف والذكر يحوس حواليها كانه يقول ساعدوها ..

ماتت!! قلبها وقف . الدم في جسمها ما يتحرك . بعد ساعه البكتيريا بتحللها .. اول كائن حي يموت يموت عندي وهو في عهدتي ، ما اصدق !!!

اليوم بالمدرسه قبل لا ادري عن نونا كننت حيل مستتانسه وكنت مستانسه من الامتحان ولما رجعت للبيت وشفت قفص همستراتي انقلب اليوم

صار اسوأ يوم بحياتي شكل حيواني الاليف وهو منسدح على ظهره ويصارع المريب افضع شي صارلي بحياتي انا احب نونا ومااتخيل ما اقوم الفجر على صوت عجلتها المزعج

مااتخيل براون الذكر بروحه بدون انثاه

مااقدر استحمل الصدمه اللي بتكون بوجه اهلي لما يدرون ان اكثر شي ابدع فيه بحياتي خرب

ما اقدر اتحمل ملامح الخيبه عليهم لما يدرون ان انا! ما قدرت اخلي نونا تكبر عندي

ما اقدر اتخيل ذكرى حيوان مات عندي وانا اشوفه

ما اقدر اتخيل نبرة الحزن على عيال اخري واهم يقولون بح نونا

طلعت مو قدها ، ما قدرت. ما عرفت . ما نجحت . موت هالكائن دليل على فشلي

موت هالكائن علمني شغله .. اذا خسرت شي .. خسرته للابد مستحيل يرجع .. مهما تمنيت ومها بجيت ومهما صارخت ومهما حاولت ..!'

مو عيب انك تخطئ .. بس العيب انك ماتتعلم ما خطئك

وانا مراح اوقف راح اربي حيوانات وراح اتعلم من كل خطأ ولو كان ضئيل

قبل لا يفوت الاوان ونتحسف طول عمرنا

ومو لازم نتهاون مهما صار

Bedor غير متصل