[رائد ملكاوي]

اول شي اهلا وسهلا في عالم تربية الحمام
الهواية حلوة كثير وراح تغيرلك روتين حياتك
العناية فيه سهلة جدا وما تحتاج جهد كبير
نصيحة: ابدأ بأنواع رخيصة حنى تتعود على التربية والعناية وتعرف المشاكل والأمراض والعلاجات والأنواع والأسعار والنقي من انواع الحمام والمهجن اللي ما ينفع أبدا وبعدها تشتري انواع غالية وحلوة
أخوي المساحة صغيرة يعني 6م مربع ما تكفي، وتقدر تحط فيها تقريبا اربع - ست اجواز حمام وما تتحمل الإنتاج
بالنسبة للإنتاج احسن شي بالصيف واتوقع عندكو بالسعودية لأنه الجو بالشتاء دافي يكون أيضا الإنتاج جيد.
التغذية: القمح والعدس والكرسنة والذرة الحمرا والصفرا والفول الحبة الصغيرة والبازيلا وتقدر تحط ارز بس ما تكثر منه والأحسن أنه تكون حبوب كامله مو مجروشة وبكميات تكفي الحمام وما تزيد، وحطلهم رمل علشان الهضم والأملاح، مع تغيير الماء يوميا.
الأعشاش: تقدر تحط تنك زيت سعة 14- 20 لتر وتحسب حساب كل جوز بثلاث تنكات وما تفتح التنكة بالكامل وتقدر تحطلهم سعف النخيل المقطع للتعشيش أو العشب الجاف أو حتى بقايا المكنسة بعد ما تفككها حتى لو كانت بلاستيك وتحط رمل بالتنك كمية قليلة بقاعها.
وتقدر تعمل محاكر لكل جوز لوحدهم مع وضع صحون فخار أو بلاستيك للتعشيش وهاد احسن شي للحمام الهزاز (الشمسي)
وتقدر تتفرج على صور الحمام اللي بالمنتدى وراح تشوف نماذج مختلفة لعشش الحمام تستفيد منها