[أبو الببغاوات]

السلام عليكم ورحمة الله وبركاته

معروف يوم الجمعة
يوم الطفش العالمي لصيد أسعار البايعين !!!
ولكن هالمرة موضوع بسيط وليس طويلاً مثل هالموضوع <<< عديتني يا آنآستــآزيآ
http://www.2zoo.com/vb/showthread.php?t=261068

وعلى بركة الله ابدأ
اليوم وأنا بسوق الحمام ( الحلقة )
اتابع الببغاوات
في منها الأسعار المعقولة والشيء الغريب لقيت هولندي نظيف ووليف ويقول 3 كلمات بسعر خيالي : 2200 ريال !! ، وتأكدت بنفسي وشلت الطير ومسعت عليه ونشيط ما شاء الله ومحجل بعد
وعمره تقريباً 8 شهور أو 9 شهور وهذا الشيء ابسطني ولو كان معي فلوس كنت شريته ولكن قدر الله وما شاء فعل
المهم وأنا اتجول وللأسف ما شلت معي الكاميرا الاحترافية Nikon خوفاً إنه أحد منهم شافوا موضوعي
ولكن وجدت محل عنده ما يقارب 7 من الدرر الصغار جداً فروخ بكل ما تعنيه الكلمة
وتحمست وكنت ابغى اشتريه وخلاص ناوي وجيت اسأله بكم
تتوقعون ايش قلي !
قلي : 250 ريال
دقيقة دقيقة ، 250 ريال ليش يا أبو الشباب
طبعاً استهبلت معه قلتله يتكلم ؟!
وصورتهم بالآيفون ولكن للأسف الصورة ليست واضحة

قبل سنتين يا شباب شريت فرخ درة بنفس السن بـ 50 ريال !!
وحتى واحد اماراتي جاء سألني قلي بكم الدرر الصغار قلتله احسلك لا تسأل
قلي لي قول والله المستعان
قلتله : 250 ريال
قال كان احسن ما قلت نحن نشتري الدرر الصغار في الامارات بـ 50 درهم
المهم نكمل المسيرة ورحت لمحل ثاني ولقيت عندهم نفس الدرر الصغار
وسألته بكم قلي بـ 250 ريال نفس السعر
وهذي صورتهم <<< انتظرت صاحب الطيور يبعد عشان اصور

ولكن هنا أنا وقفت وقلت ليش رافعين اسعاركم !
يعني سعر غير معقول جداً
قال سعر السوق
قلتله لو كان سعر السوق ما احب اضحي بـ 250 ريال والقاه اليوم الثاني ميت !
وقلتله شريت بـ 50 ريال نفس الدرة الي عندكم وشوف فرق سعركم عن السعر الي قلتلكم
قلي هذا قبل سنين ، أما الحين زي ما يرتفع اسعار المواد الغذائية والاقتصاد
نحن نرفع اسعار الببغاوات
( افكار البايعين كذا مع الأسف )

ونبغى ننتهي من الرحلة مع اكبر نصب تجاري عرفه كوكب زحل <<< قصده الأرض
درة نبالية وليف جداً لأبعد حدود وبـ 2000 ريال

قلتله طيب خرجه من القفص قال والله أخاف انه يطير
قلتله طيب هو وليف
المهم طاوعه قلبه وبيخرج الدرة ما الا اداه عضة محترمة على النصب
طبعاً سعر النبالي بالشيء المعقول 1000 ريال بس زيادة الـ 1000 ريال لأيش !
الله المستعان على النصب المستمر

---------------------

اعتذر جداً على الاطالة ، ونبغى نقاشكم وتعليقاتكم حول هالموضوع
أبو الببغاوات