[BJ-4cat]

المشاركة الأصلية كتبت بواسطة عزوني

السلام عليكم ورحمة الله وبركاتة

كلنا لما نجي ندرب الكلاب نعتمد على الدراي فوود والبعض

يشتري ترييتس عشان طعمها الذ


فحبيت اعرفكم وصفه نسوي الترييتس او الدراي فوود

الخاص بالتدرييب بالبييت و اوعدكم

كلبكم بدال ما ينبح بيقوول يمممممم

»« المكونات »«


3 اكواب ونص طحين اسمر .. فيه فايده اكثر من الابيض



كوبين شوفان (كويكر)



كوب حليب واحد (قليل الدسم)..



نص كوب ماي حار



حبتين مرقة دجاج (ماجي)




واخيرا وليس اخر نصف كوب مرقة لحم

(هذي خلها على الوالده )



وخضروات على حسب مزاجك


» الطريقه «


اول شي نذوب مكعبات ماجي بالمويه الحاره

وبعدها نضيف لها الحليب

و مرقة اللحم ونخلطها لين تذوب ببعضها البعض .

ثاني شي نحط الطحين و الشوفان بصحن ثاني

ونخلطهم مع بعض

بعدين نصب السوائل اللي خلطناها بالصحن الاول

على البودره اللي سويناها بالصحن الثاني

ونخلطها زين ونعجنها مضبووط وتقدر تحط فيه اي

نوع من الخضار .. كرفس ، بقدونس او جزر شرايح




وبعدين نرقها على في صحن بايركس ثم قطعها على كيفك

مربعات ولا مستطيلات ولا قلوب اللي ودك

ونخلي سمكها تقريبا نص سانتي .





ونحطها بالفرن على درجة حراره 300 لمدة ساعه تقريبا

وبعد ما تطلعها خلها بمكان في درجة حرارة

الغرفه لين تبرد بعدين دخلها الفريزر و اي وقت تبي

تستخدمها طلع الكميه اللي تبيها واستمتع

وهذي صورة طبختنا بالنهايه




احلى من اللي يبيعونها ؟؟ و مفيده جدا .


وبالهنا والشفا

منقول للفائدة

السلام عليكم
مشكور أخي عزوني صديقي العضو dbrman fan وأخي العضو alaa-zero جربوا الطريقة ونفعت مع الكلاب وحبوها كثيييييييييييييييير


أما أنا أخدت قليل من صديقي من هذا الطعام وعطيته للقطة إلي عندي وعجبها كثييييييييييييير

أريد لو سمحت نقل هذا الموضوع إلى قسم القطط لتعم الفائدة للجميع
أرجو إرسالي رسالة بإنك لاتمنع من نقل هذا الموضوع

وشكرا