[توزر]

وعليكم السلام والرحمه

كثييير نفس حالة امّك يرفضون تماماً ان القطه تدخل البيت ،
ويعتقدون ان القطط حيوانات غير نظيفه وتسبّب الأمـراض !!

ششوفي يَ قلبي ..
انتِ اوّل شي حاولي تقنعين امّك بـ اسلوب حلو ان القطّه اللي راح تشترينها تختلف تماماً عن القطط اللّي نشوفها
فِـ الشوارع !
والقطط المنزليّه تكون مطعّمه ضد جميع الأمراض ان شاء الله ولها اهتمام ورعايه خاصّه ..


طبعاً زي مَ قلتِ فِـ موضوعك الاوّل ان عمرك 10 سنوات ماششاء الله
فَـ ما أدري هل تقدرين تعتنين بـ القطه بـ الشّكل الصحيح ؟
لأن القطط يَ قلبي روح ومايُستهان فيها وماهي لـ التّسليه فقط !
تحتاج إلى رعايه خاصه وإلى شخص عنده خبره كافيه فِـ مجال القطط ..

يعني أقلّها راح تحتاجين لـ تطعيم قطّتك ضد الامراض اذا كانت صغيره ولم تُطعّم من قبل !
وتحتاجين إلى أغراض أساسيّه لـ القطط مثل اللّيتر بوكس وفرشاة الشعر والشامبو وصحن الأكل وشنطه
تحطّين فيها قطّتك لما تطلعين معاها خارج البيت .. هذا غير الأشياء المُكمّله مثل الفيتامينات والألعاب الخاصه
بـ القطط .... إلخ

وراح تحتاجين إلى انّك تقصّين أظافرها كل اسبوعين بـ الكثير .. وتمشيط شعرها يوم ورا يوم
وترويشها فِـ الصيف مرّه فِـ الاسبوع وفي الشتاء مرّه فِـ الشهر .. وتحتاجين الى مُتابعة أكلها وشربها بـ شكل دائم
وتنظيف اللّيتر بوكس من الفضلات بـ شكل يومي ومُتابعة صحّتها ولو لاسمح الله مرضت واحتاجت لـ العلاج
والاهتمام الخاص ..


أشياء كثيره وصعبه !!
فَـ لو انتِ اللي راح تعتنين بـ القطه اسألي نفسك هَ السؤال قبل لاتنتظرين موافقة امّك
( تقدرين تقومين بـ كل الأشياء اللّي قلتها بـ شكل صحيح ؟ )