|
رد: رايكم بالدراي فود ؟
اخوي انا ما اعرف هذا النوع تحديدا .. اقصد اني ما جربته .
لكني سويت عليه بحث سريع بالانترنت .
و ممكن اساعدك بشوي نصايح .
اولا الاكل اللي اخترته انت للكلاب الضخمه جدا مثل الروتوايلر .. كانقال .. ماستيف .. قريت دين وهكذا .
لان هذا المكتوب عنه .. Large Breed Puppy
For Puppies That Grow To 50 lbs. Or More
عموما .. بالنسبه لضخامة الكلب و عضلاته تعتمد اولا على الوراثه .. ثم التمارين .. ثم التغذيه السليمه .
يعني في كلاب مهما مرنتها او اطعمتها ما راح تصير ضخمه او معضله والسبب الوراثه .
لا تحلم بكلب مثالي و لاتجعل كلبك فار تجارب .
خله يعيش مرحلة طفولته .. ولا تجهده بالتمارين الشاقه تفكيرا بالعضلات فقط .
لان الرد راح يكون عكسي عليك .. اذا زاد عمر الكلب عن سنه ممكن يتحمل التمارين الصعبه .
وانتبه ترى مو كل الكلاب تتحمل التمارين الصعبه ولا كل الكلاب تصير عضليه .
الهاسكي مثلا ما راح يصير عضلي مثل البيتبول !! ولكن الرياضه اليوميه له راح تخليه نشيط وقوي
وراح تقوي عضلاته و عضامه و راح يفتح صدره ويصير شكله جميل .. لكن ليس عضلي !
راح اعطيك موقعهم على الخاص وانت اقرا وسو بحثك الخاص فيك .
عشان تكون مقتنع تماما بالشي اللي انت تختاره لتطعمه لجروك .
اما اذا كانت البحوث صعبه عليك و تبي تقطع اكثر من نصف المشوار فانا انصحك بالطعام اللي انا استخدمه .
رويال كانين ماكس جونيور .. للكلاب متوسطة الحجم الى كبيرة الحجم مثل الهاسكي والجيرمن و اللابرادور وغيرها
ايضا تقدر تقدم له وجبتين بالاسبوع اكل معد بالمنزل .. لحم او دجاج مع رز او ماكرونا بدون توابل و بدون ملح .
تقبل مروري .
|