[ٌابوعمر]

المشاركة الأصلية كتبت بواسطة مبتدئ كاسكو

السلام عليكم ورحمة الله و بركاته
وعليكم السلام ورحمة الله وبركاته

شخبار اعضاء تو زوو
ان شاء الله الجميع يكونون تمام وباتم الصحه
انا عندي طيري الكاسكو و لله الحمد بعد ترويض دام شهر لاكن فيه شوي خوف مع الوقت بأذن الله يهدا
الحمد لله دربت الكاسكو الملقب ب بيسو الطلوع على اليد
و صار يطلع ع يدي وهو فوق القفص لاكن وهو داخله مايطلع ع يدي
طبيعي لانه لسى ماتروض 100% اصبر عليه شوي ومع التدريب المستمر بيطلع على يدك بكل سهوله بس اهم شي دربه بستمرار
و صار جرئ مع العائله يصفر قدامهم
الحمدالله وعلى قولتهم اول الغيث قطره
الان ابي منكم بعض النصايح كيف اشيل الخوف هذا منه هل مع الوقت يروح
اكيد بيروح ولاكن اوصيك بل استمرار على االتدريب
وهل تفضلون اشتري له استاند هل الاستاند اذا كان عليه يحس انه بأمان
طبعا الاستاند يسهل عليك الترويض بشكل كبير
و هل امسح على راسه كل يوم الين يتعود على هذا الشي و ينزل له راسه
كل يوم حك على راسه كثير صدقني بيصير يحبك ويدور عليك عشان تحك له راسه
طبعا انا امسح ع راسه بين فتره و فتره و عند المسح انطق بكلمة ( راسك راسك )
هل طريقتي صحيحه
نعم صحيحه
الان كيف ادربه على الكلام علمآ ان طيري عمره سنه ونص
كلمه كل يوم ناده باسمه قوله السلام عليكم كلمه كثير كانك تكلم انسان قدامك مع الوقت بيتكلم
وهل اضع له العاب بالقفص او مرايه
اذا انت من الناس الي يتركون الكاسكو كثر بل قفص انصحك تحط العاب عشان تلهيه لان لو غبت عنه كثير ممكن يوصل مرحلة النتف الله يبعد طيرك عنها
و ايش مشكلة الفول السوداني لان دخلت محل وقال نصيحه لاتعطي طيرك فول سوداني ؟؟
الفول السوداني كثرته مضره يعني 6 حبات بل اسبوع كافيه
بس انا اعطيه كا مكافئه له لانه يحبه جداً
طريقتك صحيحه اي شي يحبه احرمه منه ولا تعطيه الا وقت التدريب فقط
و اسف ع الاطاله و الكلام الكثير بس و منكم نستفيد
خذ راحتك يا غالي وليش مسوين هاذا القسم الا عشان تقدمون فيه اسالكم وتلاقون اجوبه مقنعه ومنطقيه ومثمره باذن الله
و مشكورين مقدما و اذا عندكم نصايح لاتبخلون علي

العفو ماعرف انصح اذا عندك سوال اطرحه وابشر