|
رد: نبذة تاريخية لطيور حبي ( صور )
أهلا أختي عاشقة البط .. بصراحة الإنتاج ما هو إلاّ توفيق من الله وحده ومن ثم إنك تعملي اللي عليكي بإخلاص وحب وتاخذي بالأسباب وأهم حاجة طولة البال والصبر .. الصبر مهم جدا جدا والله وما تفقدي الأمل وتخلي ثقتك بفضل الله وكرمه فوق كل شيء ،، انا لما جبت طيوري ما فكرت مطلقا إني أفرّخهم وحتى ما كنت أعرف هل هما جوز ولا لأ ! حتى البائع ألّف من عنده انه الفاتح انثى والغامق ذكر .. وطلع العكس !!!
المهم قعدوا عندي اكثر من شهرين كنت معطياهم حريتهم بالكامل بدون قفص واهتميت جدا جدا بتغذيتهم الجيدة ونظافتهم وكل شي يسعدهم .. ويوم ما قررت أفرّخهم ... قبل أي حاجة عملت بحث شامل عن كل شي يخصهم عشان ابدأ صح والحمدلله محد قصّر معايا بعلمه وخبرته وربنا يجزي الجميع خير الجزاء ,, وبعد ما عرفت كل الأمور المهمة اتوكلت على الله وجبتلهم البياضة والحمدلله ربنا اكرمهم بالفراخ اللي اثلجت صدري والحمدلله .
عزيزتي زي ما بيقولوا الخبراء انه لكل قاعدة شواذ .. فالظاهر حظي كان حلو معاهم وطيوري طلعت شاذة بطبعها نوعا ما لأني بكل أمانه ما عملتلهم أي شي خاص غير اني منحتهم كل الحب والاهتمام وبالعكس كنت أزعجهم علطول وألاعبهم حتى وقت ما كانوا يتزاوجون ويبيضون مع انه غلط والمفروض يكونوا مستقلين وفي محيط هاديء وبدون تدخل ، ولا حتى عمري اعطيتهم أي نوع من الأدوية ولا الفيتامينات .. بس الحمدلله ما أثّر على إنتاجهم وأشياء تانية كثير ....
المهم عشان لا تملّين مني وأطوّل عليكي .. أفضّل انك تاخذين الخبرة الصحيحة من أهل العلم أمثال المشرفين والخبراء اللي ما قصّروا وما بخلوا علينا بشيء وربنا يجزيهم بكل خير يارب .
وعشان أسهل عليكي البحث .. دي أهم النقاط اللي لازم تاخذي بالك منها قبل ما تبدأي بتربية هالطيور الجميلة من جديد :
__________________
!! We Never have what we LiKe, we never Like what we Have .. but still we Live
! live and HoPe that one day we will GET what we LoVe ! .. OR .. Love what we HaVe
That’s LiFe
|