[3bO]

المشاركة الأصلية كتبت بواسطة Musab Pro

لا لا لا يالغالي .. امامك خيارين في هذه الحاله .

اولا تروح للسفاره السعوديه و تقولهم ابي تسوون لي تصريح من وزارعة الزراعه

استيراد كلب للسعوديه .

الاوراق المطلوبه هي شهادة طبيعه .. فيها تطعيم للريبز

يكون تاريخ التطعيم له اكثر من شهر و اقل من ٦ اشهر . و تكون الشهادة مصدقة من جهة حكوميه في امريكا .

صورة للكلب هذي لازم تكون موجوده وقت تقذيم الطلب .

في حال قالت لك السفاره ما نقدر نخدمك بهالموضوع لازم تتفاهم مع اي شخص في السعوديه .

يروح لوزارة الزراعه قسم المحجر الحيواني و يودي لهم الاوراق اللي قلت لك عليها .

المحجر الحيواني يشوف اللسته اللي عنده .. ( اغلب الانواع للاسف ممنوعه و لكن اللسته قابله للتحديثات)

اذا كان النوع مسموح الاستيراد يعطونك فورم تعبيه .

تحط فيه اسمك و رقم هويتك و و و

وفيه قسم من الفورم مكتوب فيه اسم المورد اللي بتجيب منه و عنوانه و و و ...

هذي لازم تتفاهم مع شخص بامريكا تحط معلوماته .

راح يدخلون معلوماتك السيستم و بعدين يطبعون لك اذن استيراد يمر على المدير العام بالوزاره و يختم .

بعدها تعطي اشاره ببدأ شحن الكلب للسعوديه .

يصل الكلب الى قسم الجمارك في المطار و ليس المطار نفسه .

تروح هناك .. يقولون لك اول شي روح خلص اجرائات شركة الشحن و جيب لنا وصل .

انا بالنسبه لي دفعت مبلغ لشركة الشحن و لما وصل الكلب هنا ايضا دفعت مبلغ اخر بسيط

تقريبا ١٥٠ ريال للمطار ما ادري ليش .. تم دفعه لشركة الشحن .

وبعدها تاخذ ايصالاتك من الشحن و تروح قسم الجمارك .. ايضا فيه مبلغ يدفع لهم حول ال ١٥٠ اتوقع

وياخذون منك الاوراق التاليه .

النسخ الاصليه من الشهادة الطبيه المصدقه من جهات حكوميه في امريكا .

شهادة المنشأه ..= البيدقريي ... اسمك انت و بياناتك و و و الخ .

المهم ان الاوراق هذي راح ياخذون منها نسخ و يرجعونها لك و بتحتفظ بالبدقري و دفتر التطعيمات .

طبعا يتم فحص الكلب و يشيكون على نوعه و عمره و صحته ويتأكدون من انه يطابق البيانات

اللي موجوده و يشوفون التاتو و رقم المايكرو جيب اذا كانت متواجده .

هذا المفروض لكن يوم رحت لهم انا ما كان معهم سكانر حق المايكرو جيب .

عمووووما اخر شي اذا شافوا القرون طلعت من راسك بيفسحونه لك ان شاء الله .

تاخذ اذن تدخل سيارتك قسم الشحن تستلم كلبك و يعطونك ورقة خروج .

و تتوكل على الله ولا عاد تتعودها هههههههه

تقبل مروري

اول شيء الله يجزاك الف خير ي الغالي


والله لو اني بجيب اسلحه يمكن م يسوون فيني زي كذا قسم بالله عذاب
وعاد الحين لو رحت للسفاره والله م يردون علي الا بعد شهر اقل شيء وانا راجع خلال
هالاسبوعين ان شاءالله بس ان شاءالله بكلم العيال ب الرياض يشدون حيلهم ويروحون
وزارة الزراعه ونشوف وش يصير لان احساسي يقول ان وزارة الزراعه نفس الاحوال المدنيه
يبيلك تراجعهم الف مره الين تخلص اشغالك كلها وعاد احساسي بعد يقول انه م راح يدخل
الرياض وبيقعد عند اخوي بامريكا احسن له من الرياض وقرفها

هههههههههههه ايه م راح اتعودها ابدا ابد بعد


ويعطيك الف عافيه اخوي ع المعلومات كلها والله وضحتلي كل شيء
والله يجعلها بميزان حسناتك ي رب