اليوم شريت ذكر روسي للأنثى اللي عندي
الأنثى مره كيوت ورقيقة لدرجة انها ما قد حاولت تعضني وتلعب معي وتتسلق صدري وظهري وتنام في يدي كمان
لكن تفاجأت بعدائيتها أول ما تقابلت مع الذكر
وبالمناسبة الذكر مره حبوب معها وطول الوقت يلاحقها ويحاول يتقرب منها ويشم مؤخرتها بدون استسلام مع انها في كل محاولة تخمش وجهه بيدينها وتطلع اصوات عدائية أول مرة أسمعها وهو ما عنده أي مانع ولا يرد هجماتها
خليتهم مع بعض لمدة ساعة ونفس الوضع ما تغير لين فصلتهم وخليت كل واحد في قفص
ابي اجمعهم مع بعض للتزاوج فيا ليت أهل الخبرة يساعدوني بالحل
وبعطيكم شوية ملاحظات يمكن تفيد
1- الأنثى قبل أشتريها كانت عايشة لحالها فترة طويلة. عكس الذكر اللي كان عايش مع أنثاه فترة طويلة لين انباعت قبل يومين
يمكن انها تريد الوحدة لانها كانت عائشة لوحدها
2- الذكر حجمه كبير (بالنسبة للقزم الروسي طبعاً)، لونه أخضر فاتح وعلى ظهره خط. أما الأنثى حجمها صغير، لونها أبيض كامل بدون خط على الظهر
ما عليك المهم كلهم من نوع واحد
3- اثنينهم نشيطين وصحتهم كويسة وعيونهم حمرا لامعة وبراقة
ما شاء الله
4- الأنثى فنانة في تسلق حدايد القفص من كل الجهات تقول قرد ما شاء الله عليها.. مع اني لاحظت انها ما تلعب في العجلة ابد واستغربت هالشي.. كمان لاحظت ان أكلها قليل وتخزينها كثير
دام انها تخزن فهي تأكل
5- الذكر كمان ما أشوفه يلعب في العجلة مع انه يتحرك كثير.. بس توي شاريه قبل كم ساعة ما يمديني احكم عليه
يمكن انه كسول اذا ما يلعب
هذا اللي عندي وأتمنى هالملاحظات تفيد أهل الخبرة في تفسير الوضع