|
رد: هاذا مقطع لطيوري البادجي
،،
ماشاء الله عليك يا سعد ،، والله انك بطل ،،
طيورك جميلة ماشاء الله وعسى ربي يحفظهم لك ،،
الذكر وانا اخوك بالغ وكذلك الانثى وكلهم جاهزين للتزاوج حسب لون الكير الواضح
فقط عطهم المكان والجو المناسب ،، وكذلك الخصوصية والغذاء اللازم ..
اول شي غير قفصهم وجب لك القفص المربع العادي ابو 3 مشربيات له بابين ،، واحد قدام وواحد على جنب
و افضل لك بعد لو تغير العش وتجيب عش مناسب لهم ،، وتعلقه خارج القفص عشان تقدر تشيّك على العش ،، و انت قلت بتغير المجثم البلاستيك لخشب وهذا ممتاز
المكان افضل لو يكون فيه خصوصيه اكبر للطيور ،، وانت تستخدم غرفتك عندهم وهذا يمكن يخوفهم شوي
شف مكان بالبيت درجة حرارته معتدله تقريبا 25 درجه ولا فيه احد يزعجهم رايح جاي من عندهم
وعطهم جرجير مرتين او ثلاث مرات بالاسبوع
وبإذن الله تشوف بيضهم قريب ..
الان هم في مرحلة الجاهزية للتزاوج ،، سارع بتنفيذ الخطوات وبإذن الله تشوف انتاجهم
اما الانثى دامها تاكل وتشرب وتتحرك بالقفص ماعليها خوف ان شاء الله
اخيرا ،، المقطع جميل بعفويته يا سعد ،، وننتظر منك اكثر واكثر
وبالتوفيق
،،
التعديل الأخير تم بواسطة : zikas10 بتاريخ 09-01-2012 الساعة 06:27 PM.
السبب: رد مميز ما قصرت
|