[MARSHAL]

المشاركة الأصلية كتبت بواسطة abu-khuzaim

السلام عليكم ورحمة الله..

اشكرك على موضوعك الرائع ... ربي يوفقك انت والوالد ولا يحرمكم من بعض..


عندي بعض الاساله واتمنى القا الحل عندك ...انا ابحث عن تدريب بادجي وليس الانتاج ..

شريت ذكر انجليزي قبل شهرين تقريبا عمره بحدود 4-5شهور وبديت بخطوات تدريبه

تركته لين تعود علي وعلى المكان وبديت ادخل يدي بالقفص لين بدا يقل خوفه وقصيت جناحه واتبعت كل الخطوات ..لكن للاسف بلا فائده ... قمه العناد وحتى وجناحه مقصوص مشاءالله يطير ... وبديت ازهق
واقتنعت ان غلطان من ناحية العمر وكان المفروض اشري فرخ صغير ...

الان افكر ابدله او بيعه واشري فرخ ...لكن قل خبرتي وعدم تفرغي التام لاطعام الفرخ يخليني ابحث عن فرخ
يكون مفطوم بطريقة الاطعام اليدوي وهذا مالقاه الى عند المربين وليس عند المحلات ...
هل في احد يبيع ممكن يفيدني؟؟ هل انت عندك فروخ للبيع؟؟يكون تم اطعامها قبل الفطام يدويا ...
مين يفيدني؟؟ وهل تفكيري صح ؟؟

الفرخ المطعم يدويا هل يخاف من البشر قليلا ولا مايخاف ابدا؟؟

ادري كثرت عليك بالاساله بس والله من حبي لادطيور المدربه تحطمت من العصفور الي عندي

وشكرا,,

اهلاً حبيبي .. لاكثرت علي بالأسئله ولا شي ويشهد الله على مدى سعادتي بمشاركتك هاذي

وفي النهايه احنا اخوه نتشارك حب الهوايه , وخليني اجيب على استفسارك :


انا شخصياً قبل " 3 " سنوات جربت ترويض انثى بادجي قريبه من عمر طائرك , كانت النتيجه غير جيّده ومشجعه ( الأنثى تخاف وتحاول تهرب وحتى وريشها مقصوص ) واوقات تكون ثابته على اليد لكن .. في النهايه لم اصل لنتيجه أقدر اقول اليفه بنسبة 100% واتوقع هذا حال الأغلبيه , لهذا انا افضل لو تقوم بشراء فرخ بادجي بعمر " 3 " أسابيع او يكون في نهاية مرحلة الاطعام اليدوي وعلى وشك الفطام , واظمن لك انك ماراح تتعب مع الطير .. وبالعكس بتحصد نتائج ممتازه من الفه لأبعد الحدود وتعود الطائر عليك وعدم هربه وتتفرغ بهاذي المرحله لتدريبه سواء على تقليد الأصوات والصفارات او على حركات معينه وممكن تشوف اليوتيوب و تعرف مدى صحة كلامي


وفي النهايه صدقني يا اخويه كل واحد بهاذي الهوايه اخطأ بس حاول تتعلم من خطأك وزي مايقول المثل ( كل دقه بتعليمه )




تحياتي لك .. واي استفسار آخر انا موجود لخدمتك