تبي الكلام الأكيد خذه مني
انا مجربه كل انواع الرمل اللي بالسوق
افضل نوع على الإطلاق هو الصيني ling yan واللي يقولك مش كويس اكيد اكيد ما جربه
وعلى فكره هو اغلى نوع وهذي صورته
http://www.cutecats.cc/data/products/32_thumb.jpg
ممتاز في التكتل ومنع الروايح...
شوف غالبا كل انواع الرمل كويسة نسبيا في تكتل البراز...بس البول ماراح يتكتل وبيصير مثل التراب يتفتت
ويبقى مع الرمل النظيف فتضطر تغير كل الرمل ....اما هذا النوع فهو الوحيد اللي يكتل البول ويخليه مثل الحجر
انا ما استعمل غيره...واحيانا ينعدم من السوق فأضطر اشتري توماس او اي نوع ثاني
وما ادري اذا كنت تقصد نفس النوع الصيني اللي اقصده انا....لو كنت تقصده فغريب جدا !!!
الرمل اكثر من ممتااااز ولا ماتلاقي سعره غالي
توماس امريكي وسعره ارخص بكثير...ماصار غالي الا لأنه ممتاز....ويخلص من السوق بسرعة
واتحدى اي رمل غيره يكتل البول...مافي ابد مستحيل...بالنسبة لي اهم شي نظافة الرمل
لو بقايا البول ترسبت مع الرمل النظيف ممكن يجيب الحشرات وامراض للقطة
علشان كذا الصيني ممتاز
توماس حلو في عزل الروائح وتكتل البراز ..اما البول فأبدا مايتكتل فيه ويصير تراب
كمان في نوع فريش ستيب..جربته وهو مثل توماس مايكتل البول بس يمنع الريحة لكن تضطر تغير الرمل كل كم يوم
كمان جربت نوع اسمه كاتي وايت لونه من برا اخضر...نفس توماس وفريش ستيب
لا تاخذ الا الصيني ممتاز جدا وراح تدعيلي...كمان هو اغلى منهم كلهم مع ان كميته اقل
انا ما اغيره الا اذا فضى الليتر بوكس من الرمل...يجلس شهر مايتغير واكثر بعد
لأنك ماتحتاج تغيره لأنه نظيف وكل الفضلات تتكتل فيه براز او بول
انا كنت احب توماس لأني ماكنت اعرف ling yan بس بعد ماجربته عرفت الفرق