|
رد: لازم كل عضو يشارك
الله يخليلكم طيوركم
موضوع مفيد للجميع .. عشان تنويع الاكل مهم للطيور
بالنسبة لكروانتي ماشاء الله تبارك الله عليها تحب تخطف اي لقمة من اي احد تشوفه ياكل
من الفواكه تاكل قشر الموز .. مدري ماتحب الموز نفسه
المانجا وبرضو قشرها
والحبحب نفس الشيء القشرة
بصفة عامة احس اي شيء اخضر يلفتها وتاكله
خس وجرير وخيار وجزر ..
وكنت اعطيها بقدونس بس قرأت انه يسبب تسمم وبعضهم يقولو الخس يسبب تسمم
بس اعتقد انه كل الخضروات مفيدة للطيور
الذرة سواء نية او مسلوقة
البطاطس المسلوقة
البيض المسلوق بالقسماط مو مرة تحبه .. تحب البيض المسلوق لوحده وما تحب الصفار << زيي طالعة خخخخ
الارز المسلوق
البساكيت بس ما اعطيها كتير لانه احيانا يكون مسكر
التوست او الصامولي تحبه شوية
الشيبسات لازم تتلقف وتخطف لقمة ..-__-
احيانا تاكل البازلاء المسلوقة او الفاصوليا الخضراء المسلوقة
ومرة كانت بتاكل فلفل حار لحقتها >< مع انو يقولو كويس الفلفل لهم ..
ان شاء الله اجرب العسل والتمر او الرطب لها .. لاني ماعمري جربتها لهم وان شاء الله تفيدها ..
واشكرك على الموضوع .. جزاك الله خير
|