[الدلع]

أهلين حبايبي أعضاء المنتدى
أبدخل في السالفة مباشرة وتحمّلوني
بستي الكبيرة تلعب مع الصغيرة بعفاشة يعني سالكين بس تتعامل معها في اللعب كأنها وحدة في مثل عمرها والحقيقة اني خايفة عليها يجيها مخشه تتأذى منها وممكن تصيب عينها لا سمح الله فناوية أحط للكبيرة مخالب ناعمة واسمكرها في محل الحيوانات لأنها ما ترضى حاليا أحد ينظفها وهي تعتبر بالنسبة لي جديدة ومالها عندي غير شهرين تقريبا وما بعد تأقلمت بشكل كامل بالاضافة انه عندها تطعيمة لازم تاخذها الآن
وش رايكم أطعمها ثم أسمكرها ولا العكس ؟؟ لأني أخرت روحتها للبيطري عشان أشوف من الي أبدى فيه أول
وهل تؤيدون التخدير عند السمكرة مع تأجيل التطعيم لوقت ثاني لأني عارفة ان الحرمة بتحوسهم في المحل ولأني قريت ان التخدير ما يصلح مع التطعيم
أتمنى إفادتي ومشكورين