[نادر المكاوي]

المشاركة الأصلية كتبت بواسطة طلع لي قرون

السلام عليكم ورحمة الله وبركاته ..

اخواني اخذت حبوب فيتامينات للطير ..

وانا من اول احط له قطرة الانفلونزا ..

وما ادري هل ينفع احط العلاجين سوا .. او اوقف واحد وابداء بالثاني ..



وهذي صورة القطره والحبوب ..

وياليت بعد احد يوضح لي اذا هالحبوب زينه او لا ..


مع ان راعي المحل يقولي حط له حبه كل يوم لمدة خمس ايام ..

بعد كذا اقطعها عنه لمدة شهر او اقل بعدين عطه لمدة خمس ايام لين تخلص الحبوب

والروشته تبع العلاج مكتوب حبتين ثلاث مرات كل اسبوع ..

عادي لو اتبع كلام الي عطاني العلاج .. ولا امشي على الروشته ؟

واليوم نزلت الطير بالشمس .. وما طول نص ساعه او اقل ..


بس لاحظت الطير يتنفس بسرعه كانه مكتوم .. << تقريبا يلهث وانتم بكرامه ..

واجنحته مع كل نفس تخبط

مدري وش فيه يكون من الشمس.. لان له مده ما طلعته في الشمس ..


وهل يصيبه شي اذا روشته وقت التشميس ولا عادي ..


ارجو الافاده وسامحوني اتعبتكم معي


<< جايكم قريبا مدرب ماله مثيل بس اصبروآ علي والله اوريكم ..


ههههههههههههههههههه

انت ما شاء الله واضح عليك مهتم كثير بالطير وخايف عليه لاقصى درجة .. حاول تضبط نفسك يالغلا

وطيرك ان شاء الله ما عليه الا العافية .

بالنسبة للفيتامينات الاحسن انك تستخدم الفيتامينات الطبيعية من فواكه وخضروات .. اما الدواء

انت قلت انها قطرات للانفلونزا كيف عرفت انه الطير ( بعيد الشر عنه ) مصاب بالانفلونزا ؟ اذا من

خلال الدكتور ما اقدر اقولك شي ان شاء الله خير وماعليه العافية .. بالنسبة للتشميس شي طيب

وهو مفيد للريش والجسم بصفة عامه ( اهم شي ما يكون حطيته تحت الشمس مباشرة ) في

الشمس البارده يعني في مكان ظل وفي ضوء الشمس ليس مباشر .. وبالنسبة انه الطير يلهث

هذا بسبب الحرارة وحاول ما تطول في التشميس وقت الحرارة تكون عالية والاحسن لو مثلا تخرجه

قبل المغرب مثلا بنص ساعه او ساعه تكون الشمس طيبة ولا تروشه وهو بره البيت عشان لا

يجي هواء ويبرد ويتعب وهو مبلول >> ما تقلي طولت بالسالفة وسايرة قصة ما قبل النوم !!

آسف على الاطالة وان شاء الله تكون فهمت والخبراء يوافقوا على كلامي