[أحزاني]

شكرا على ترحيبكم بي وبقطوتي الجديدة والله يبارك فيكم
مشكورين اخواني جميعا بلا استثناء على تفاعلكم معي وممتنة لكم لما ذكرتوا تجاربكم الي أسعدتني وزادت في راحتي .
هي تغيرت شوي عن أول وصارت تجي عندي لكن لازال فيها خوف يمكن لانها لما كانت عند ملاكها كان فيه قطو موريها شغلها ومكفخها .. مدري لهذا تأثير أو شي عادي !؟
أنا استخدم دراي فود ريحته قوية قبل ما أشوف ردودكم الباقية وصرت أحط الأكل في غرفتي وتشوفني وأنا أحطه لكن أول كانت تلقاه ولا تدري من حطه بس القطوة ( مكارة ) إذا حطيت الأكل في الصحن جت تاكل لكن لما أحطه في يدي تجي تشمها وتتمسح فيها ثم تقعد تماوي وتجلس جنب الصحن وتناظر فيني يعني ( ارحميني ما أبي يدك حطيلي في الصحن ) وأنا أرحمها واحطه في الصحن وتجي مباشرة تاكل وقريب مني مو مثل أول بعيد .
انا ربيت قطاوة كثير بس كانوا في عمر صغير فما عانيت معهم لكن هذي انحست معها صار عندي استنفار وطوارئ الله لا يوريكم .
فيه ناس قالوا لي تقدرين تتحكمين فيها بحرمانها من الأكل لحد ما تجي هي وتطلبه منك وحطيه في يدك وانتي تقدمينه فإذا ما بغت وجلست تنتظر لا تعطينها بال وطنشيها وخبي الأكل ووحدة وحدة بتضبط معك وبتاكل من يدك وتصير بينكم ألفة فوش رايكم ؟؟
معليش أشغلتكم معي بس تعلقت فيها وصعب علي أرجعها لأصحابها مع انهم اعطوني الحرية في تركها عندي أو ترجيعها لهم
دمتم بكل خير ومحبة