|
رد: هل البساكيت تشبع القطط ؟ ولا لازم معلبات واكل بيت ؟
وعليكم السلام ورحمه الله وبركاته
ياخوي هالقسم للاسئله وموضوع للفائده وراح اساعدك باللي اقدر عليه
تقصد الدراي فوود لوحده كوجبات اساسيه ابدا ماينفع لازم ياكلوا بروتين دجاج لحم سمك جمبري اجبان البيض الخ
الدراي فوود كويس بس ك مكمل غذائي مو اساسي
اكيد لازم اكل البيت افضل من المعلبات المعلبات كنوع من التغيير مره مرتين بالاسبوع ماانصح فيها بكثره لانها مواد حافظه
اذا انت مو راعي طبخ وحوسه صلح كميه وقسمه كوجبات وبالفريزر
جيب صدور دجاج فيليه واسلقها مع شويه خضار مشكله او مع رز او مكرونه او شوفان اللي تفضل او ساده لوحدها بعدها فتتها وقسمها باكياس ممكن تحفظها بالثلاجه بعلبه زجاج الى 3 ايام اما بالفريز عادي تطول وقبل ماتعطيها لقطاوتك سخنها شوي وتكون دافيه
ممكن تخلط الدجاج مع زبادي او جبن او خضار او مع مرق دجاج
ممكن بيض مقلي مع جبن او مسلوق ومفتت مخلوط بلبنه
احيانا اسلق بطاطا وخضار مشكله وبعدين اهرسهم واخلطهم مع بيض وجبن تشدر مبشور وادخلهم بصينيه بالفرن وارش عالوجبه دراي فوود واقطعه صغار لهم يحبونها كثير
او اسلق بيض واخلطه مع بطاطا مسلوقه ولبنه
ممكن جبن مثلث او كيري زبادي سيريلاك بالقمح او الارز
احيانا اخلط مع الدراي فوود جبن تشدر بس شويه مو كثير مع بطاطا مسلوقه ومبشوره
او دراي فوودمع زبادي ودجاج
سمك فيليه مسلوق مع رز او مع خضار او جمبري مسلوق مع رز او جزر بس هذي مره بالاسبوع او مرتين
كبده دجاج مسلوقه مع جزر مره بالاسبوع لان فيها كميه حديد وللقطاوه اللي عمرهم اكثر من 3 شهور
فيه اكلات كثير والاهم انها صحيه مافيها مواد حافظه وماتاخذ وقت طويل
__________________
حسبي الله لااله الاهو عليه توكلت
|