السلام عليكم
وان شاء الله تكونوا بخير انتوا وهمستراتكم ياحلوين
الاسبوع ده للاسف مكنش اسبوع عادي
وبلاحظ انه همستراتي حالتهم بتبقى غريبه كل يوم اكتر من الي قبليه
لاحظت انه همتارو كل ماحد يشيله يعض مع انه مكنش كده
ولاحظت انه همتوره كمان مبقتش تجري على الباب اول ماافتحه زي الاول
بعد كده لقيتهم بيتخانقوا كتير بشكل عنيف شويه بس من غير دم
تاني يوم لقيت همتوره كل شويه تنام على ظهرها وتقعد تنظف مؤخرتها
وحسيت انه في احمرار وقتها خفيف...
في نفس اليوم فليل لقيت زيلها وكإنه بارز اكتر وفي احمرار خفيف كإنه دم والمنطقه حوليه كإنها فيها ماي ورطبه..
المشكله انهم كل مايتقابلوا بيتخانقوا
اليوم لاحظت بقعه صغيره سوده قريبه من منخار همتارو معرفش هيا ايه
ولاحظت اليوم انه كل مايقرب منها من بعيد حتى تصرخ
ولما يقرب اكتر تروح فاتحه فمها وتنام على ظهرها
وكل مايتخانقوا الاقيها تجري على واحده من العجلات وتلعب فيها لحد مايرجعلها وهكذا
نفسي حد يقووووولي ايه تفسير الي حاصل ده
؟؟؟
اخوكم
مهند