بليز ساعدوني قطوتي مادري ايش فيها
السلام عليكم ورحمة الله وبركاته
كل عام وانتم بخير
اخواني و اخواتي
تعبت واحترت مع قطوتي مو عارفه ايش اسوي معها
قطوتي عمرها شهرين واسبوع
كانت مافيه احسن منها
و قبل امس جاها خمول و كله تبغاء تنام و لا تاكل
وامس كانت كله نايمه وماتبغاء تاكل بس تشرب ماء
وتحك اذنها اليوم اخذتها على البيطري وقالي عندها التهاب في الاذن
فقطر في اذنها محلول و عطاها ابره في رقبتها
وعطاني محلول في علبه بيضاء وقالي احط منه لمدة ثلاث ايام
بعد مارجعت للبيت قطوتي صارت تتقلب و تموه وبعدها نامت
بعد ماصحت رفضت الاكل بس تشرب ماءوكان معها دوخه وخمول وتبغاء تنام
انا خايفه عليها لانها رافضه الاكل وصارت نحيفه وخمول و كله نايمه
سؤالي لكم اللي صار مع قطوتي بسبب الابره اللي عطاها البيطري؟؟ولا هذا شي طبيعي ؟
وابغاء اعرف ايش اسوي معها لاني جربت اعطيها اكل ومو راضيه تاكل اذا فيه فتامين ياليت تعطوني اسمه
بليز ساعدوني مبغاء ارجع اخذها للبيطري ويعطيها ابره مره ثانيه وتتعب زياده لانها توها صغيره
خايفه عليها بليز ساعدوني
|