اسعد الله اوقاتكم بكل خير ونعتذر عن التاخر بسبب
العيد والواحد من عزيمه في عزيمه من رز في رز خخخخ
الحمد لله على
النعمه الي احنا فيها
المهم اليوم جايكم
مبسوط ومروق بعد ما حسيت ان
عسول بدا يتطمن لي بشكل حلو
وبدا
يمخمخ مع الحك ولكن بخوف بس مشكله في المكان الي يتدرب فيه
انا دربت طيور بس مثل عسول ما شفت
حتى الطير ماشاء الله بدا
يصفر ويطقطق ويطلع اصوات ويتحرك يعني مستمتع بس شي غريب
يعني الطير لما يشوف
المنشفه طوالي يرمي نفسها داخلها عشان احكه
ويرووووووق مره بس شيل المنشفه يرجع
الوحش عسول
ليه ما ادري
جيت دربته على
الاستاند وراح تشوفون المقطع مره صار كويس وانبسط بالحك والطلوع على اليد
حتى جلس يعض على خفيف مره شي ما
يذكر بس يعني وحده تجي قويه شوي بس تهون دام الباقي خفيف
حتى طولت في المقطع لاني
استمتعت لما شفته متقبل
الموضوع
بعد المقطع بيوم طلعته وحطيته في
الارض وربي وحش
وعصبت طبعا ومو عوايدي ادرب وانا
معصب بس قلت يا انا يا هو بس كانت النتيجه
هو
قعدت الاحقه في البيت زي المجنون وامسك رجله وارفعه وقسم بالله
يا عضني عض لو اني ماني مسلم كان اسلمت خخخخخ
شي مو طبيعي فجاه طالعت بنفسي لقيت اني بقمه
غضبي ومعرق وحالتي حاله تعوذت من
الشيطان وقلت روق يابو احميد ورجع الطير مكانه
جبت المنشفه واذا بالطير ينط جوا المنشفه ويرجع الييييييييييييييف مره والله لو ابغى احك المخيخ ما عنده مانع بس غيره المنشفه والاستاند
وحش
بديت اتلخبط معاه الصراحه
ولكن نشوف ان شاء الله الاقي بردودكم معلومه ممكن تفيدني في هالموضوع
شوفوا المقطع واعطوني رايكم
http://www.youtube.com/watch?v=AZ5UftjR9jw
محبكم الدائم
ابو نايف