اخي الحبيب عبدالله
سؤالك محل التقدير
لكن يحتمل عدة اجابات
فالداجاج عدة انواع وكل نوع عدة مستويات والمستويات عدة احجام والحجم عدة اعمار والمربين عدة مستويات فمنهم المشهور ومنهم المبتدئ يعني في النهاية ما تقدر تحدد السعر
لكن انا بجاوبك وبقولك ان الدجاج العربي يتراوح من 15 ريال الى 30 ريال حسب العمر والشكل والمواصفات طبعا اتكلم عن الدجاج البياض مو الصوص اما دجاج الزينه فعد ولا حرج فاصنافه كثيره ومستوياته متعدد واسعاره بالميئات واحيانا يصل الالوف وانا ما ربيته وما تعاملت معاه بس اقرأ واسمع
اما سؤالك الثاني بخصوص الفقاسات
فينطبق عليه ما ينطبق على الدجاج
فهو عدة احجام والحجم عدة مواصفات والمواصفات عدة منتجين
فسعر الفقاسه يعتمد على حجمه ومواصفاته وبلد المنشا
فالحجم من 50 بيضه الى 1000 بيضه بالنسبه للفقاسات المنزليه ان صحت التسميه اما فقاسات المشاريع فحجمه يتسع لألاف البيض
الحجام الصغيره ستجد منها ما هو فلين وما هو بلاستك وماهو خشب وكل لها سعر
ستجد التقليب الاوتوماتيك والتقليب اليدوي ستجد الثيرموستات اليدوي والدجتل ستجد الوطني والمستورد
فعلى العموم السعر يعتمد على الحجم والمواصفه ومكان الصنع
ويتراوح السعر من 250 ريال الى 5000 ريال
فلذا يجب عليك الذهاب الى عدة محلات وتستفسر عن الفقاسات التي لديهم عن مواصفاتها واسعارها
وعني انا تعاملت مع 5 فقاسات وحده 160 بيضه تقليب اوتوماتيك ثيرموستات يدوي خشب صناعه ايطاليه شاريه من فتره يمكن قبل 10 سنوات واعتقد كان سعرها 1800 او 2000 ريال الحين مدري كم
والثانيه ايضا فقاسه ايطاليه 500 بيضه تقليب اوتوماتك ثيرموستات يدوي شريته مع ال 160 كان سعرها 4800 ريال
وسويت لي فقاسه تقليب اوتوماتيك ثيرموستات دجتل وكلفتني تقريبا 1500 ريال تاخذ 500 بيضه لكن كان نظام التقليب ما ضبط معي وبعتها ما طولت عندي واذكر انتجت فيها
سويت لي وحده ثانيه تقليب يدوي ثيرموستات يدوي تاخذ 600 بيضه كلفتني حدود 1000 ريال لكن اتعبتني بالتقليب وحولتها حضانه للسمان
السنه هذي جاب لي واحد فقاسه وطنيه بمواصفات ايطاليه تقليب اوتومتيك ثيرموستات دجتل تشيل 500 بيضه على ما اعتقد ان سعره 2700 او 2800 بهالحدود
والحين شغاله وانتجت فيها
فالي عندي الحين 3 فقاسات 1 وطنيه 500 بيضه و2 ايطاليات 160 و500 وكلهم تمام وعال العال
ايه نسيت اقول لك اني اول مابديت اذكر من 15 سنه شريت فقاسه فلين تشيل بحدود 30 بيضه كان سعره 250 ريال وعقبن شريت فقاسة ايطاليه خشب طبق واحد تقليب اوتوماتيك ثيرموستات يدوي تاخذ 50 بيضه كنت اخذته بحدود 800 ريال والله وانتجت فيهن لكن والله مدري وين راحن الحين
على العموم مثل ما قلت لك لازمك زياره لعدة محلات وقارن بين الاسعار والمواصفات
بالتوفيق ان شاء الله
تقبل مروري