|
لا ما أصدق !! تعالو الخبر أكييييد
السلام عليكم خبر عاااجل شريت هامستر 
وطبعا كنت ابغى أشتري واحد روسي بس الأعضاء قالو زوج
وانا ما خذلتهم جبت أنثى و ذكر
جزاكم الله خير الجزاء من ساعدني
و تحمل أسألتي الكثيييييييييره
أشكرم مرررة مررررة << تراها قلتها من القلب 
سميت الذكر لوز 
و الأنثى ميني
ويااااسلام ولله طرت من الفرحة ماصدقت ان عندي هامستر!! 
وقلت لولا الله ثم المنتدى وكل من ساعدني ماكنت أصلا أشتريت هامستر !!
بس ولله درسته درس !!!
وكل ما أبغى أكتب موضوع يجيني كسل
بس ابغى ألعب مع الهامستر 
أنا اليوم قلت لاااا 
أخواني و اخواتي في المنتدى مايعرفون أن عندي هامستر ولازم أخبركم !!!
وهم ساعدوني و خلوني اشتري هامستر عيب عليك يا كاندي سويت
وها انا خبرتكم
إحم إسمعو القصة
وبعدين بيوم واحد على شرائي للهامستر
أشوف الذكر يضرب الأنثى وما يخلها تنام في الكوخ !!
حزنت عليها صارت تنام ورى البيت 
وقلت خليني أمسك الأنثى ميني 
ومسكتها وكانت ترتجف !! بس انا أكلتها بقدونس و اكلت و شكلها حبتني ♥♥♥
بس تخاف لما تشم يدي 
و حاولت ااكل الذكر و غسلت يدي و حطيت الأكل و أعطيته بيدي
أتاريه ما قعد ياكل؟؟ أشوفه يعضني أنا أنفجعت وسحبت يدي أحسبه زي الأنثى
وكل ما أحاول أشمه يدي يعضني او يخربشني
أنا قلت لااا أنا جبت واحد عدواني 
لازم أرجعه
و حطيت موضوع في المنتدى هل ينفع أخذ زوج أنثى ؟
قالو نعم
وانا من هنا رحت الحديقة الحيوان
و قلت ابغى استبدله بأنثى
قالو طيب .. والرجال لما كان بيشيل الذكر
الذكر عضه
وقال : هذا يعض
و جابلي وحده بيضه كبيره !! قلت لاا
هذي مره كبيره حتضرب الصغيره خخخخخ 
جابلي وحده ثانية و قال : هاذي بس عندنا 
وكان لونها أسووود !!
شكلها مشؤمة .. سكت وقلت أفضل من لا شيء
وابوي حبيبي الله يخليه لي قال شو رايك بهاذا ؟
أنا قلت واااو مرة حلو !!
كان بيت للهامستر على شكل فراولة و على شكل برتقال
أخذت الإثنين
ورجعت البيت و سميت السودة ميمي
وسبحان الله ما كانوا يضاربو !!
ومر يوم و ميمي خاايفه أخليها تشم إيدي
تشم و تخاف و تحفر في القش
حاولت أأكلها تجي تشوف الأكل و تهرب تخش بيتها
أووف ما تركت الذكر إلى جات هاذي ؟؟
وبعدين شفت رجلها متورمة !!
قلت : حسبي الله عليهم يعطوني و حده مريضة
وماعندي وقت اروح البيطري
قلت يمكن حتشفى لوحدها
وبعد كم يوم ميني قلبو حياتي صارت تيجي عند باب القفص >> خرجييينيي 
ولله أنا قلت سبحان الله شكلها مرة أليفة و تتعود بسرعة ما صار اسبوع حتى !! قولو ماشاء الله
الصور حأنزلها قريب إن شاء الله
|