[مستر عزوز]

هلا والله

ياناس وش اسوي باهلي رفعو ضغطي

اقولهم ابي قطو يقولون غثا وتسبب عقم ولا تصلح للحوامل ومدري ايش

وش اسوي

واقنعتهم بسالفت العقم قالو طيب بس مانبيها جوا البيت قلت الملحق قالو لالالالا تبي توسخه

وتبي تبلشنا بالاكل ومدري ايش ومن يهتم فيها اذا جينا نطلع ولا نسافر وصعبه الننا ننقلها في السفر

واذا جينا نطلع تبي تحوس البيت وصعبه نخلي الخدامه عندها اذا جينا نطلع وقلت لهم انا اقعد معها

قالو طيب

وقالو كلمتين يوم سمعتها حسيت الني ابي اربي صوص قالو:كلها يومين وتموت

وجع وش يموتها قالو اصلن القطاوه ماياكلن اكل البيت بس يبون الي معلبات

عاد من يقنعهم وريتهم قطاوه ياكلون من اكل البيت وصدقو


وكل ماكلمت امي في الموضوع تقول انت جبتلي الضغط والسكر لاعد تكلمني في هذا الموضوع

ومره جبت قطو صغير ماقعد ولا اسبوع اربع ايام ورجعته

وش اسوييييي
وابوي ما اقتنع ابددددد

يالله مع السلامه آسف طولت عليكم