[جعفر السامرائي]

بسم الله الرحمن الرحيم
السلام عليكم ورحمة الله وبركاته
كيف الاعضاء .. ان شاء الله بخير
حقيقة ماعرف شنو اقول
مثل ما قرأتم بالعنوان


نعم طائري العزيز مسعود مات للاسف

بعد ما صار لما يشوفني يقولي بابا ، ولما يكون في القفص يريدني اطلعه يقولي بابا حبيبي ، ولما شغلة منزعج منها يقول عيب ، واقول له بوسة يبوسني ، وصرت لما اناديه باسمه من بعيد وارفع له يدي يجيني ، وتعلم يسلم ، ولما يشوف غريب يقول منو ، والكثير الكثير ...

وكل اللي قريتوه ما كان عن تدريب ، كلها صارت عفوية مع الوقت..

ويا فرحتي فيه كانت !!

مع اني الان مسافر ومشتري له العاب وتغذيه واشياء جميلة ، لكن .. مو نصيبه !

ما اطول عليكم لاني صراحة جدا مالي مزاج مثل الاهل كلها مالها مزاج

طبعا مات مشنوق بحبل للعبة من ألعابه على ما قالولي

نصيحة : اذا طيرك اليف ، وانت حابسه بالقفص وتشوفه يحوس يريد يطلع طلعه لا تتأخر عليه ، حتى ما يصير مثل اللي صار معي او ان ما تخلي له شيء ممكن لا سامح الله يسبب له الموت ، او انك تراقبه عن كثب حتى ما يحدث له شيء سيء

المهم الله يرحمك يا مسعود

وعلى كل حال اقول الحمد لله ، بالمال ولا بالعيال

احترامي للجميع