[سنايديه]

المشاركة الأصلية كتبت بواسطة ri940449

على العموم ا
من كثر ما ردوا الخبراء وتحجوا احس اني غلطان
بس يا جماعة الخير مين يتحمل تجعير الامازون وبمزاجه ودون سابق انذار وبصوت قوي
لازم نكون متعايشين مع بعض بس بشروطنا احنا مو بشروط الطير يالربع

لازم يفهم انه التجعير غلط ثم غلط يعني من فيكم طيره ما يجعر نهائيا بس انا اتحدى الكل اني اسكت التجعير 100%
اسكات التجعير بالنسبة لي اساسي لاقبل طير في منزلي يعني الجيران والبيت كلهم ينزعجون من قوة صوته

طبعا السلبيات واضحة يعني الكلام اللي القنه يكرره مع بنتي 6 سنوات ويتفاعل معاها كثير لكن بوضوح انه الكراهية او خليني اقول الحذر شوي واضحة معاي.

بالنسبة لاطاعة الاوامر صدقوني عندي قفص فيه طيور زيبرا ارتفاعه اكثر من ثلالة متر وطبع في اغصان احيانا اودي الامازون فوق في هالقفص لمدة 4 او خمس ساعات من ادخل القفص واقول له تعال ينزل وبسرعه دون تردد اقول له عطني راسك ينزل راسه.

شباب مو مهم يكرهني ويتفاعل مع باقي افراد الاسرة المهم يطيع ويترك هالتجعير اما الكلمات يتعلم من الكل .


ثالثا يالربع مو المثل يقول من امن العقوبة اساء الادب اكو هو يتعاقب واذا احسن كافئناه

اخيرا انا غلطان في نظر الخبراء بس صدقوني انا راضي بهالنتائج

سبحان الله يعني انتا مصر انك تستقوي وتطلع عضلاتك على طير مسكين ضعيف

مثل ما قلو الاخوه وكلامهم 100%100 صح انو تدريب الطائر على الطاعه والاستجابه

يريد صبر وصبر طويييييييييييل جدا وقوة تحمل حتا تكسب مودة الطائر لك

بعدين حكاية إن الطائر ماله مزاج يطيع يااخي كل مخلوق في العالم له مزاج ومود

يعني مثل ما انت مالك مزاج ومود يتغير اربع وعشرين ساعه ترى حتا الطائر مثلك بالظبط

احيان يكون موجوع احيان يكون في مزاج النوم ومااااله خلق احد


حتا من الرحمه والرأفه به انك تحاول تراعي مزاجه

بالنسبه للجعير والازعاج انا حليت المشكله بطفاء الانورا وجلوسه في الظلام مده مثل

عشر دقائق وبيهدا بعدها او تغطية القفص بقماش خفيف يتنفس من خلفه وراح يفهم

ويربط صراخه بالظلام او القماش


اما عاد اذا كنت قوي وشديد وتبي تطلع مواهبك في العقوابات في هذا الطير الذي لايملك

الا التعبير عن خوفه بالجعير اجل ربنا وربك وسبحانه ياخذ حق كل مظلوم

ومافي شي عند ربي يضيع

بعدين تقول تتعايش مع الطير بشروطك انت مو بشروطه اهو

والله اذا على الطير اكيييد ما وده الا ببيئته وبلده وغاباته وسربه

يعني نسلبهم الحريه ونسلبهم حياتهم ونحبسهم في افقاص

بعدين نجي نتشرط عليهم ونعاقبهم لعدم استجابتهم لنا

فكر شوي الظلم ظلمات يوم القايمه

الله يغفر لنا ويسامحنا بس