[ProOoF]

المشاركة الأصلية كتبت بواسطة صوغة

يعطيك الف عافية

على الوقت والجهد والرد

واتضحت اخوي فكرة الفرق بين النتف وتغيير الريش

والصور مؤلمة جدا الله لايبلي طيورنا

لكن سؤال اخير معليش استحملني

بالنسبه لتغيير الريش هل من الممكن يروح كل الريش الكبيير قبل لا تنبت ريشه جديده؟

لانه واضح راح الريش الرئيسي ولا نبت ريش جديد

والمعروف تروح ريشه مكانها ريشه نبشت وازعجت درتي من بدأ ريشها يتجدد وشفته شوك مغزز قبل لا يطيح الريش القديم وعارفه فيه فرق بين طير وطير حسب صحته

لكن الاخت تقول شهرين وهذا حاله

متى بيطلع ريشه ؟؟ اذا خلال شهرين يسقط ريش ولا يطلع جديد؟؟

يعافيك ربي يا صوغة

من الممكن انه يروح كل الريش للصدر بشكل كامل بالإضافه لبداية الأكتاف ويشاهد بعض الزغب فوق الجناح بشكل بسيط وقليل و هذا ما يسمى قلش كامل

او ريشه بريشه ( مثل أول صوره بردي السابق )

وبالنسبه لظهور الريش الزغب هو بداية مرحلة ظهوره مثل ما وصفتي بالأبر بمنابت جديده

بالنسبه لتأخر ظهور الريش بهالمرحله هذا يعود لتغذية الطير مما يساعد ع تجاوز هالمرحله

بشكل أسرع و الطير يحتاج عنايه نفسيه و غذائية ( مكمله و محفزه ) ولا تقل درجة احدهما عن الأخرى

وبأذن الله لن يكون هناك تخوف من التأخير أن وفرنا له كل ما يحتاج

مريت بمرحله سابقه بالقلش لفتره تجاوزت الثلاثه أشهر وما انتهيت منها الا دخلت بسلوك
عدواني لريش الذيل بمجرد ماتنبت الريشه وتظهر يقضمها ولا ينتف الريشه فقط يقضم جزئية الريش وتدمي وتتجمد وهذا يعني أن الريشه ميته ولا تنفع ولا بد من نتفها والإنتظار مره اخرى ظهورها واستمريت ع هالمنوال لسته أشهر أستخدمت وقتها جميع الطرق والملهيات ولم تنفع إلى تجاوزتها ولله الحمد بأستخدام أمور منفره وتمنعه من الأقتراب للذيل .

الأهم بهالمرحله بالتغذيه والأهتمام الجيد وملاحظه المتغيرات ع الطير ومحاوله تجاوزها اول بأول

و قد تمر مرحلة تغيير الريش عند بعض الأخوه بدون ماسبق ولا يحس بهالمرحله بشيء


و الله أعلم -حياك الله

..........................

والله يحفظ لكم طيوركم