[منى بن فقيه]

السلام عليكم ورحمة الله وبركاته

قبل مابتدي في الموضوع حبيت اشكر كل الي ساعديني في موضوعي السابق

ياريت الحين تساعدوني في كم هل الاسئله الي بطرحه عليكم


انه شريت لي قبل فترة طيرين
واحد كاسيكو الرمادري
وثاني طير اخضر ماعرف شنو اسمه بس يسمونه تاج الاصفر اذا صح او لا ههه

حبيت اول اسال عن طيري الاخضر... انه يوم شريته قالي راعي الطيور هل طير يتكلم الحين صار له شهرين عندي مايقول ولاشي غير اسمع صوت له وق وق هههاي ولا يصفر حتى
وخواف بشكل مو طبعي من اتقرب منه يشرد حتى يخاف يعض

بدخل في الاسئله

هل هذا النوع من الطير يتكلم ؟
واذا يتكلم كم يبيله عشان يتكلم ؟
واشلون اتعامل معاه عشان يتكلم ومايخاف مني ؟
وشنو انواع الاكل غير الحبوب الببغاء والتفاح ؟
وكم عمره تقرييا هل طير ؟

وهذي الصور له











الحين بقولكم عن طيري الرمادي الكاسيكو

الكاسيكو حبوب ويصفر وايد ونادر اذا يتكلم كلمة او كلمتين بس يوم شريته من راعي طيور قص علي وقال عمره 5 شهور
بس الحمدالله بعض اعضاء هل المنتدى قالو لي عمره الحقيقي ان 9 شهور الى سنه
ومشكلته هل كاسيو جناحه احسه في مرض ومو مرتب وناس يقولون لي هذا وقت تبديل ريشه والبعض يقولي حاله نفسيه.... والله انه بصيديني حاله نفسيه منه

ومن خذته صار له شهرين تقريبا عندي للحين ريشه منتف ومو مرتب بس احسن من اول مره خذيته واشوف من بين جناحه لحمه طالع احسه مررض
هل تنصحوني اوديه طبيب البيطري او هذا وقت تبديل ريشه وطبيعي او حاله نفسيه خخخ


وهذا صور له





وفي هذا الصورة اشرة على الحمه الي اقصده وموبس في هذا المكان حتى بين اطراف جناحه في




اتمنى انكم تعطوني حلول
وشكراااا