[بااسل2011]

السلام عليكم
انا طالب بمصر ادرس طب فقررت اشتري ببغان عشان يونسني في البيت لمن اقعد ادح في الكتاب ولمن اسيب البلد مره ابيعه ولمن قرب تخرجي بطلت ابيعه و تعلقت بيه وخلاص مجهز نفسي في اجازه نص السنه عشان ارجع بيه قالوا ليا ممنوع يا حبيبي ممنوع تدخله السعوديه يعني كيف اسيبه هنا ولا اطيره والشباب ما بطلو شماته وبعدها النفسيه في النازل و لا عارف اذاكر و ادور في النت كيف ادخله و سالت و قريت الاغلب قالي تهربه يلي يقول خبيه في فتحه بالسياره ولا خبيه بين رجولك بس لا يكون في قفص ويلي يقول خبيه تحت العبايه طيب ويلي مايلبس عبايه بعدين قريت يمديك صح عليك بس كيف
لازم تصريح تروح تجيبه من مكتب الرعايه السعوديه يلي مو جود في القنصليه مو السفاره
وروحت اليوم اسال و استفسر اذا الكلام صح و دخلت وكل ما اقابل مسؤل اقوله اقدر ادخل طيور بتصريح يقول ايش تقول اقوله طيور طيوووور و عشان اوصل المعلومه ارف رف يدي الاثنين سويت ببغان قدام المسؤلين في القنصليه بعدين قالي يمديك
بس تلف شويه علا شويه ورق عشان اختم لك التصريح اوف
بس كلو يهون المهم يرجع ببغاني معايا