[شاهستا]

وعليكم السلام
القط لسه صغير والاكل الى كله التونه واللبن بيكونوا تقال على معده القطط الصغيره
وبتسبب ليهم اسهال
انت دلوقتى هتديله عشان الترجيع دوا من الصيدليه اسم موتيليوم 1 سم قبل الاكل بربع ساعه
والاحسن انك تصومها 8 ساعات وبعدين تاخده بعد الاكل بتاعها
وهايكون مرة واحدة فى اليوم لمدة يومين لحد مايخف عندها الترجيع
اما الاكل فانت تبعد خالص عن اللبن والتونه والسمك
هتأكلها فراخ مسلوقه وهتديها زبادى بالعسل
ودراى فود عشان الاسهال وعشان ميحصلش ليه جفاف خليه يشرب مايه كتير
او تديه بالسرنجه من غير الطرف الحاد محلول بيبى لايت ولو مش موجود عندك يبقى تديله مايه بالعسل
وشوف درجه حرارة القط دلوقتى كام
وان شاء الله يخف ويبقى زى الفل