[جسّار]

السلام عليكم

يسسسعد صباحكم ومساكم . .
انا عندي قطو شيرازي عمره شهرين . .
شريته من خمس أيام وكان بصحه جيده وكنت أعطيه أكل معين ما أغيره . .
طلعت وخليته في البيت . . وتعرفون لقافة الصغار
اخواني اعطوه تونه وبروستد وحليب ، وعزموه على كل شي ومن بعدها حالته منقلبه فوق تحت
لا ياكل ولا يتحرك ولا يسوي شي ، وأكثر الوقت نايم . .
أول مره . . الله يكرمكم رجع الأكل شوي بعدين نام ويرفض ياكل شي حتى المويه ما يشربها
وبعدين وديته للدكتور وقال عنده حراره والتهاب في الحلق واعطاه ابرتين مادري حقت ايش لونها اخضر فاتح
وبعدين اعطيناه معجون لفتح الشهيه اسمه Baby-paste ومضاد Betamox . . واكل شوي من شيبا تونه الأزرق وكأنه صحصح شوي ورجعت للبيت ونام علطول وقالي الدكتور اعطيه المضاد مرتين في اليوم الصباح والمساء
وصحيت الصباح انا عشان اعطيه الـ Betamox وقام حطيته على الرمل ولله يكرمكم طلع منه سهال وبعدين شويه رجع الأكل كثيير اللي طلع منه . . وانتضرت شويه واعطيته المضاد وبرضو رجعه وخليته لين الليل

ورجعت للدكتور وقلت له انه ما ياكل من امس وكذا واعطاه ابره مخفض للحراره واعطيناه معجون لفتح الشهيه ولا فاد معاه عيا ياكل . .
وقالي اعطيه زبادي . ورجعت البيت واعطيته زبادي وافتح فمه واكله بالقوه وياكل معاي وشرب مويه شوي ورجع ينام ساعتين يمكن وصحى ورجع الزبادي شي خفيف مره ثالثه ><
وقعدت شويه واعطيته المضاد طبعا نصف ملي اعطيه ، ورجع ينام وقعد يمكن نص ساعه وصحى
ورجع المضاد مثل المره الاولى وعلى هالحاله الى الان ويرجع ينام

ممكن أعرف مشكلته ما امداني اتهنى فيه وانبسط ان عندي قطو في البيت

يعطيكم العافيه