[دلوعةقطوتي]

اهلين


1-كيف اعرف ان عمرها من شهرين لثلاث شهور ؟
شكلها صغنون واختار وحده عندها شهاده ميلاد ومكتوب تاريخها

2-كثير قالو لي لاتشتريها من المحلات المحلات اسعارها غاليه بس المشكله مالقيت احد يبيع قطوه مثل اللي ابيها بحثت بالانترنت وتعبت ولا لقيت ؟ فاوش رايكم بافضل محل موجود بالرياض ؟

شفت قسم البيع فيه قطوطات حلوين او شوف المحل اللي ارسلتك وصفه عنده اشكال والوان

3-انتم تدرون اني مبتدى بالتربيه ومحتار اخذ اي نوع بس النوع الوحيد اللي مااعجبني هو البلدي لقله شعره وانا ابي شعره مايكون كثير ولا قليل
تيب لاتاخذ بلدي اذا تبي الشعر وسط خذلك امريكي او شيرازي مهجن بامريكي
لان الشيرازي البيور شعره مره كثيف ويبي له عنايه وتمشيط

هاذي مجموعه صور جبتهم من النت فيعني ياليت اذا تعرف انواعهم قولو لي كل وحده ونوعها ؟

وافضل نوع لي انا كمبتدى يعني تكون تربيته سهله ؟
اول وحده اللي ذيلها قصيرمو عندنا ولامره شفتها بالرياض
اما الباقي بعضهم شيرازي وبعضهم امريكي

فاوش رايكم بافضل نوع واذا فيه انواع ثانيه افضل من هذولي ياليت تذكرونها مع صوره لشكل القطوه

وكم راح تكلفني حوالي .؟
زي ماقلت الشعر بيختلف
سؤالي الاخر

بخصوص الشور ( الاستحمام ) كل كم يوم احممها ؟
لاكل اسبوع مره وفيك تستخدم للكيتن بودره خاصه للقطط ترشها عالشعر وتمشطه تنظفه وريحته حلوه ودك تاكلها من حلاوه ريحتها
وفيه بخاخ ترشه وتتركه دقيقه وتمشط الشعر

وبالنسبه للشامبو من وين اشتريه ؟
من محلات الحيوانات او من الهايبر ماركت سعره 30

وتقدر تستعمل شامبو جونسون للاطفال

واستعمل لها شمبو واحد بس يعني مافيه شمبو مثلاً للاقدام او للوجهه او كذا ؟
هو شامبو واحد بس انتبه الشامبو لايدخل عيونها
الوجه بلل منشفه ومسحه وانتبه لايدخل اذنها مويه

وماافضل طريقه للاستحمم احطها في بانيو ولا كيف بالضبط ؟
موضوع فيه البودره وفيه مقاطع لاستحمام القطط ان شاءالله يفيدك

http://www.2zoo.com/vb/showthread.php?t=183783
واخيراً

بالنسبه للطعام ماافضل طعام للي عمره شهرين او ثلاث شهور ؟
اكل البيت الدجاج المسلوق البطاطا المسلوقه والمهروسه مع جزر ودجاج
جبن مثلث او كيري
سيريلاك بالقمح او الرز
خبز توست مبلل بشويه حليب او مرق دجاج او ب لبنه
سمك فيليه مسلوق بس السمك والتونه مره بالاسبوع لاتكثر منهم
بيضه مسلوقه او مقليه بس الزيت مسحه على المقلا لاتكثر وممكن تضيف لها جبن
انتبه من الحليب البقري لاتعطيها يوميا ولابكميه كبيره لانه بيسبب اسهال
الدراي فوود الخاص بالكيتن
اما المعلبات ماانصحك فيهم الاكنوع من التغيير يعني مره بالاسبوع
الدراي فوود بس اختار للكيتن



وكل يوم احط لها اكل مره وحده بس ؟
الصغار ياكلوا كميه بسيطه بس تقريبا كل اربع ساعات وجبه

مافيه اكل جانبي عني مثل الشوكلاته عندنا وكذا ؟
لامانعطيهم شوكولا ولاشيبس
بس لهم مكافات اسمها تريت زي هالنوع وفيه انواع ثانيه



بالنسبه للحمام اذا بغت تقضي حاجتها وش افضل نوع تراب اشتريه لها وبكم سعره ؟
انا استعمل توماس
الكيس الصغير على ماظن سعره 22 والكبير ب45 او هيك شي من الهايبر ماركت

وكل كم يوم اغير التراب ؟
تشيل الفضلات الله يكرمك بالمجرفه كل يوم اما التراب تغيره مرتين بالاسبوع
وهذا الرابط بيفيدك
http://www.2zoo.com/vb/showthread.php?t=107465