[Musab Pro]

ما شاء الله تبارك الرحمن .. كلشي جاهز

الكلب جميل جدا وبما انه DDR فغالبا مافي اي احد يتكلم عليه .

ارفق صور الاب والام اذا ممكن .. لان لون الجرو غريب وابي اشوف كيف كان المكس

من باب الاستمتاع اكثر

اما المعدات فنبدا نتكلم عنها .

الستاند اول مره اشوفه او اسمع عنه بصراحه شكله انيق وان شاء الله يعطيك الفائده المرجوه .

واعتقد انه للاكل بس اما الشراب فانا انصح بالقدر العادي .. يكون نحاس او ستنليس ستيل

عشان ما يصدأ .. و يجب عليك يوميا تغيير المويه مره او مرتين على حسب نضافتها

المياه الفرش النضيفه تقيك من كثير من الامراض .

اما بالنسبه للحبوب والفيتامينات فانا احس بانك افرطت في الشراء

وكثرة الحبوب مو زينه على الكلب .. انا اقول انك تكتفي ب Hartz لانه ملتي فيتامين

وفيها كل الاشياء اللي يحتاجها الكلب بنسب حلوه وانا شخصيا استخدمه ويعطي

الفائده المرجوه .. تعطي الجرو حبه باليوم والافضل تقسمها على جزئين

نص الصباح ونص بعد التمرين او بالليل لان القرص حقها كبير على الجرو شوي .

وتعتبر لذيذه بالنسبه للكلب لانها بنكهة الكبد على ما اعتقد .

اما التريتس اتمنى انك تقرأ مكوناتها زين قبل استخدامها .. وخلني اعلمك انا ايش استخدم

طبعا التريتس مكلف لو كل مره راح تشتري وانا اعرف انك حيل متحمس لكن يجب ان

تدرسها صح ..

تنقسم التريتس او المكافئه الى ٣ اقسام

هاي فاليو : ذات قيمه عاليه لقلب الكلب ويحبها الكلب وينجن عليها

ميدل فاليو : ذات قيمه عاليه للكلب بس مو زي الاولى

لو فاليو : الدراي فوود العادي اللي ياكله الكلب بشكل يومي .

كيف احدد قيمة التريتس ؟

هذي يحددها الكلب وانت عليك انك تلاحظ فقط .. فلما تعطيه الاكل اللي متعود عليه

مثل الدراي فوود راح ياكله وهو جالس .. لكن لما تمد تريتس ذو قيمه متوسطه بتلقاه

يقف ويجي على يدك بشده .. اما لا تعطيه تريتس ذو قيمه عاليا غالبا ينطط

ويوقف على رجلين يبي الاكل .

وتعطيها الكلب على حسب التدريب ...

يعني اذا تدريب عادي مثلا تدربه على اسمه تستخدم low value

اذا التدريب على امر come اللي يعتبر مهم في هذي المرحله تستخدم middle value

اذا تدريب على مكان قضاء الحاجه و هو الاهم بالنسبه لك بهالمرحله تستخدم high value

في الحقيقه انا شخصيا استخدم الدراي فوود ك low value treats

واستخدم دراي فود ثاني انا اسويه بالبيت ك middle value treats

استخدم الهوت دوق او السجق ك high value treat لان كلابي تحبه حيل

وكلما دربت الكلب وهو جوعان زادت قيمة التريتس عنده .

بالنسبه للكليكر .. بما ان الكلب غير مدرب على الكليكر

انصحك شيله وقطه فوق الدولاب .. انا استخدمته فتره وهو جميل ولكن

الصوت من ادوات التدريب خصوصا اذا كان التوقيت ممتاز تدخل المعلومه اسرع لذهن الكلب

ولكن يجب ان تعرف : الكليكر مو دايم معك .

صوتك : دايم معك .. خله يتعلم على صوتك وبدال الكليكر في كل شي يسويه صح سو له مارك

بكلمة (yessss) لها وقع حلو على الكلب ولها رنه .. و علييك بالتوقيت لااازم تقول يسسس

اول ما يفعل الكلب الامر بطريقه صحيحه . معك بالكثير ثانيه ونصف الى ثانيتين لا تتاخر اكثر من كذا .


اما بالنسبه لادوات التنضيف و الهندمه (قروومينق)

بالنسبه للمشط اللي عندك ممتاز جدا لجمع الشعر الميت وانا استخدمه

وعندي ايضا مشط ثاني استخدمه يشبه هذا تقريبا .



وهذا وضيفته تدليك جلد الكلب عشان تطلع الزيوت اللي تجعل شعر الكلب افضل

وانصحك يوميا امسكه واربطه بالليش عشان يعرف انه مقيد بس ومشط شعره

بشكل يومي لانه مفيد جدا لصحة الكلب ويزيد العلاقه وليعرف الكلب انه حر

في بعض الاحيان ومقيد البعض الاخر ويجب ان يحترم الحالتين .

ايضا انت تحتاج الى مقص اضافر واللي عندي يشبه هذا .. واحد لك وللزمن



وفي بداية عمر الجرو ما يحتاج تقص اضافره ولكن يجب عليك كل اسبوع انك تمسكه

وتربطه بالليش وترفع رجوله وحده وحده وتلمسها لمس بالمقص

عشان يتعود في المستقبل ما يتعبك ويحترم ايضا فترة النضافه .

و على كل شي حلو كافئه .. يعني مع التمشيط استخدم صوت لطيف وسولف معه

مثلا good dog .. thats fine .. you clean boy وهكذا بصوت لطيف

وايضا مع قص الاضافر او التضاهر بقص الاضافر واعطه بعدها مكافئه هاي فاليو .

اما بالنسبه للنضافه الشبه يوميه هذي اول مره اشوف هالمنتجات

انا استخدم منتج امريكي نسيت اسمه لتنضيف الاذان .. واستخدم القطن الطبي

ارش على القطن شوي وامسك اذن الكلب وافركها من داخل بسرعه وانا امدحه

لانه يكره العبث في اذنه .. اما العيون فاذا احتاجت تنضيف من الخارج انضفها بيدي عادي

وانا اقصد بالاشياء اللي تطلع بعد النوم وهكذا .. مو داخل العين ! .

اما البرييث بصراحه جديد علي .. يعني معطر نفس ؟

انا استخدم فرشة ومعجون خاص بالكلب مره بالاسبوع افرش اسنانها

وبكذا اضمن ان شاء الله عدم تجمع جير خصوصا بالاسنان الخلفيه

اما رائحة الفم الكريهه فالحمد لله ما عانيت من كلابي ابد .

بالنسبه لمستحضرات الحمام وانتو بكرامه فهي فكره حلوه انك تحدد له علامه .

ويجب عليك خصوصا بالفتره الاولى الاهتمام بتوقيت الحمام .. يعني اول ما تطلعه من بيته

او بعد ما يلعب بشوي حط عينك عليه .. وبعد كل وجبه ياكلها وبعد ما يقوم من النوم

هذي الاوقات غالبا تتحرى فيها احتياجه للحمام ... تابعه الحين وكثف المتابعه ترتاح طول عمرك .

اما بالنسبه لليش والاطواق ... الليش الطويل جميل جدا ومفيد حيييل فترة التدريب .

السلسله مو مهمه لك الحين لانها تستخدم اكثر شي بالتصحيح .. والكلب في وضعه الحالي

غير قابل للتصحيح لصغر سنه . وممكن تبدا معه التصحيح في ٤ او ٥ اشهر .

ولين ذاك الوقت كلمني وانا اعلمك متى وكيف تصحح ان شاء الله

حاليا استخدم الفلات كولر او الاطواق الخفيفه سواء كانت قطنيه او جلد خفيف .

اما الالعاب فهي جميله لكن فيه كم ملاحضه .

احرص على الربل اللي ما يتقطع ولا تجيب له شي يابس بزياده ..

ال Tug اللي لونها ابيض مسدوحه تحت جميله جدا لتاسيس العض

وهي مقدمة لعض السلييف اذا كبر انشالله لعبه فيها كثير اذا تبيه حق حراسه .

الكره الخضرا ام الحبل اللي اقصى اليمين معلقه ممتازه جدا لرفع البري درايف

ايضا احرص عليها وحببه فيها .

اما الكره الامريكيه الاخضر الفاقع هذي تشبه كرة التنس .. ما فيه مشكله تلعبه فيها

بس هذي المده .. بعد ما يغير اسنانه ارمها بالزباله تكرم .. لان الماده الصمغيه

اللي فيها تاثر على اسنان الكلب حسب دراسات المانيه .

الدنبل جميل وينفع اذا تبي تدرب رياضة الشوت هاوند بالمستقبل .

اخيرا وليس اخرا اهم شي بالالعاب خذ هذي القاعده واحفضها اكثر من اسمك .

لانها من مدرب عالمي له ٤٠ سنه يدرب .

يقول ان هذي الالعاب هي العابك انت وليس الكلب !!!

تسمح له يلعب معك فيها .. وبعدين تشيلها كلها معك وتمشي لانها لك .

ممنوع يلعب فيها مع احد ثاني .. ممنوع يلعب فيها لحاله .. ممنوع تخليها عنده

ممكن في اصعب الحالات اذا الكلب مره طفشك و ينابح بالليل يبغى امه

تحط له لعبه زي هذي .. تحط فيها اما دراي فوود او زبدة الفول السوداني تمسح له داخلها

وتخليها عنده تشغله لمدة ساعات . او عضم كبير يطقطق عليه .

وفقك الله يا سلطان والله اني فرحان لك واعذرني اذا طولت

انا متحمس لك قد ما انت متحمس .. والله يوصله لك بالسلامه انشالله وتفرح فيه .