|
أحترت بينكم و بين البيطري
السلام عليكم
يا أعضاء المنتدى الرائع
متل مالكن شايفين بالعنوان، أنا وقعت بحيرة بخصوص أكل الكاسكو الأفريقي
بشوف بالمنتدى و من مواضيع الأعضاء، اللي ما شاء الله عندها خبرة قوية جدا جدا بتربية طيور من فترات طويلة، أنو الطير لازم يكون أكله مشكل و نعطيه كل شي تقريبا، و سؤالي تحديداً بخصوصاً الأكل اللي بجي على شكل خلطات، يعني أنواع مختلفة من الحبوب و الشمسي و الفواكه المجففة.
أنا نزلت و شفت نوع خلطة فيه مكسرات و فواكه مجففة و بيض و عسل و فيتامينات (أنا أشتهيت أكل منه) و على حكي صاحب المحل أنه أحسن و أنضف نوع و شركة معروفة.
قبل ما اشتريه مرت عند البيطري و سالته
و سمعت الجواب المعتاد، دير بالك منه، و ما بينفع الطير، و أصلاً الخلطات أكبر سم للكاسكو، و لا تعطيه غير حب شمسي و جزر و تفاح و ذرة
و بطلت أشتريه و المسكين ضل على حب الشمسي اللي بالأساس ما بحبه، مع العلم اني مالي مقتنع كتير بحكيه، إذا بسبب ضرر للطير ليش بصنعوه؟ و ليش ببيعوه؟ و ليش مليان بالسوق أنواع مختلفة؟ وشلون كل الأعضاء بيعطو طيورهن منو؟.
وكمان مع العلم أنو الدكتور كتتتتتتير فهمان و الكل بينصح فيه، و ما شاء الله العيادة عنده ما بتفضى، و لما مرض الطير عطاه دواء و صار أحسن و الحمد الله.
بتمنى أحصل على الجواب اللي بيقطع الشك باليقين
(حدا يقلي عطيه على مسؤوليتي  )
و أسف كتير كتير على الإطالة
و دمتم بصحة و عافية
الهلال
__________________
سبحان الله و الحمد لله
|