منتديات تو زوو - عرض مشاركة واحدة

مهووس الحيوانات · 16-02-2011, 08:53 PM

أنا أأيد الأخ بايثون لكن مافي مانع نجاوب على كم سؤال

لكن عليك يا صاحب الموضوع انك تاخذ من وقت شووي و تقرأ ردي كامل ^^

=-=

شنو آعطيهآ من الآكل ؟!

بشكل عام تقدر تعطيها أي نوع من الفواكه و الخضروات الي ناكلها ، بس أحسن شي الخس و الخيار ، و احتمال تلاقي سلحفاتك ماتاكل الا خس

لكن لو لقيت انها تاكل أشياء غير ، فالأفضل انك تنوع لها

و طبعًا لازم يكون الخضار و الفواكه المقدمة نظيفة و طازجة كأنك انتي الي بتاكلينها

---

وآبي معلومآت تفيدني في تربيتهآ ؟!

نخلي هذا السؤال آخر شي

---

ويآليت تقولون لي كيف آعرف آنها مريضه مثلاً ؟!

أكثر شي يوضحلك هو العيون ، بتلاحظ انها ممكن تكون داخلة لجوا شوي ، أو لونها متغير لأخضر أو أحمر

و ممكن تلاحظ ان عندها إسهال أو إمساك

و بعد الإصابات ممكن تلاحظها في الصدفة من كسور و خدوش و ضربات و هذا كله لازم تتجنبه لأن أي إصابة تتسبب بعد فترة في موت السلحفاة

---

وهل ينفع آربيها دآخل آلغرفه ؟!

اي ينفع ليش لا ، بس لازم توفر لها نور الشمس ، يعني خل القفص جنب الدريشة و تكون الستارة مفتوحة عليها عشان يدخل نور الشمس لأنه ضرووري ، و لازم تتأكد ان النور يجيها ولا شالفايدة

و إذا ماقدرت الله يعينك اما تشمسها يوميًا 10 دقايق في الصباح أو العصر ، و هذا ممكن يتسبب في مشاكل مع الوقت

أو انك تريح نفسك و تشتري لمبة الـ UV المخصصة للزواحف

---

وهل آحط لهآ رمل ؟!

بكيفك تقدر تحطلها رمل و كويس بعد ، بس لازم يكون نظيف تمامًا

---

وهل آحط لهآ مآي ؟!

(( و جعلنا من الماء كل شيء حي ))

أكيد لازم تحطلها موية و تكون في صحن وسيع شوي و مسطح و تقدر السلحفاة تدخل فيه بنفسها عشان تشرب و تتسبح و تبرد

لكن لو ماقدرت ممكن تسوي حركة حلوة ، تاخذ السلحفاة كل يوم أو يومين بالكثير ، و تسويلها فترة سباحة ، تحطها في طاسة أو صحن كبير و تحط فيه موية يكون مستواها تحت وجه السلحفاة عشان ماتغرق ، و تخليها فيها لمدة 5 دقائق تشرب و تسبح و تبرد

و لاتنسى تنشفها بس بدون ماتلفها و تقلبها يعني بهدوء و ببساطة .

=-=

نرجع للسؤال الثاني ^^

هو طبعًا في كم شغلة لازم تنتبه لها مثل :

- القفص لازم كون كبير كفاية و تقدر السلحفاة تتمشى فيه بحرية .

- الأرضية تكون اما رمل نظيف أو تراب نظيف أو تربة مخصصة للزواحف و حاول ماتعطيها نشارة خشب لأنها سيئة و تسبب مشاكل في التنفس و تنشب في حلق السلحفاة لأنها ممكن تاكل منها بالغلط .

- الأكل لازم يكون له صحن مخصص في القفص و يكون مسطح طبعًا .

- لا تمسك السلحفاة كثير و لا تلوح بها و لا تشيلها بارتفاع عالي بالنسبة لها ، ولا تقلبها أو تلفها أو تشيلها بسرعة ، و لا تسوي فيها طيارة
و لا تخلي الصغار يمكسونها أبدًا أبدًا ، و حاول قد ماتقدر تكون حركتك قدامها هادية و مو سريعة لأنها ممكن تسبب تشتت لها .

- انتبه كل الانتباه من الضربات و السقوط و الإصابات لأنها مثل ماقلت تتسبب في موت السلحفاة .

- يفضل جدًّا انك تحط لها بيت بسيط صغير تدخل فيه عشان يكون مثل الغرفة المظلمة و بتلاحظ انها تحب تدخلها .

- لو ربيت أكثر من سلحفاة لا تربي سلحفاة كبيرة مع سلحفاة صغيرة و حاول قد ماتقدر يكون أحجامهم متشابهة ، لأن السلاحف عادة ماتعتدي على السلاحف الي أصغر منها حتى لو كان الفرق بسيط .

- لاتربي مع السلحفاة أي نوع ثاني من الحيوانات .

* حاول قد ماتقدر تجرب تعطيها الأكل بيدك عشان تتعود عليك و تستانس انت لما توكلها .

* ممكن تعود السلحفاة عليك لكنها تاخذ وقت طويل حتى تتعود عليك .

=-=

بالتوفيق و أتمنى اني أفدتك

16-02-2011, 08:53 PM	#4
مهووس الحيوانات عضو فضي	رد: آلسلحفآه آلبريه ~ أنا أأيد الأخ بايثون لكن مافي مانع نجاوب على كم سؤال لكن عليك يا صاحب الموضوع انك تاخذ من وقت شووي و تقرأ ردي كامل ^^ =-= شنو آعطيهآ من الآكل ؟! بشكل عام تقدر تعطيها أي نوع من الفواكه و الخضروات الي ناكلها ، بس أحسن شي الخس و الخيار ، و احتمال تلاقي سلحفاتك ماتاكل الا خس لكن لو لقيت انها تاكل أشياء غير ، فالأفضل انك تنوع لها و طبعًا لازم يكون الخضار و الفواكه المقدمة نظيفة و طازجة كأنك انتي الي بتاكلينها --- وآبي معلومآت تفيدني في تربيتهآ ؟! نخلي هذا السؤال آخر شي --- ويآليت تقولون لي كيف آعرف آنها مريضه مثلاً ؟! أكثر شي يوضحلك هو العيون ، بتلاحظ انها ممكن تكون داخلة لجوا شوي ، أو لونها متغير لأخضر أو أحمر و ممكن تلاحظ ان عندها إسهال أو إمساك و بعد الإصابات ممكن تلاحظها في الصدفة من كسور و خدوش و ضربات و هذا كله لازم تتجنبه لأن أي إصابة تتسبب بعد فترة في موت السلحفاة --- وهل ينفع آربيها دآخل آلغرفه ؟! اي ينفع ليش لا ، بس لازم توفر لها نور الشمس ، يعني خل القفص جنب الدريشة و تكون الستارة مفتوحة عليها عشان يدخل نور الشمس لأنه ضرووري ، و لازم تتأكد ان النور يجيها ولا شالفايدة و إذا ماقدرت الله يعينك اما تشمسها يوميًا 10 دقايق في الصباح أو العصر ، و هذا ممكن يتسبب في مشاكل مع الوقت أو انك تريح نفسك و تشتري لمبة الـ UV المخصصة للزواحف --- وهل آحط لهآ رمل ؟! بكيفك تقدر تحطلها رمل و كويس بعد ، بس لازم يكون نظيف تمامًا --- وهل آحط لهآ مآي ؟! (( و جعلنا من الماء كل شيء حي )) أكيد لازم تحطلها موية و تكون في صحن وسيع شوي و مسطح و تقدر السلحفاة تدخل فيه بنفسها عشان تشرب و تتسبح و تبرد لكن لو ماقدرت ممكن تسوي حركة حلوة ، تاخذ السلحفاة كل يوم أو يومين بالكثير ، و تسويلها فترة سباحة ، تحطها في طاسة أو صحن كبير و تحط فيه موية يكون مستواها تحت وجه السلحفاة عشان ماتغرق ، و تخليها فيها لمدة 5 دقائق تشرب و تسبح و تبرد و لاتنسى تنشفها بس بدون ماتلفها و تقلبها يعني بهدوء و ببساطة . =-= نرجع للسؤال الثاني ^^ هو طبعًا في كم شغلة لازم تنتبه لها مثل : - القفص لازم كون كبير كفاية و تقدر السلحفاة تتمشى فيه بحرية . - الأرضية تكون اما رمل نظيف أو تراب نظيف أو تربة مخصصة للزواحف و حاول ماتعطيها نشارة خشب لأنها سيئة و تسبب مشاكل في التنفس و تنشب في حلق السلحفاة لأنها ممكن تاكل منها بالغلط . - الأكل لازم يكون له صحن مخصص في القفص و يكون مسطح طبعًا . - لا تمسك السلحفاة كثير و لا تلوح بها و لا تشيلها بارتفاع عالي بالنسبة لها ، ولا تقلبها أو تلفها أو تشيلها بسرعة ، و لا تسوي فيها طيارة و لا تخلي الصغار يمكسونها أبدًا أبدًا ، و حاول قد ماتقدر تكون حركتك قدامها هادية و مو سريعة لأنها ممكن تسبب تشتت لها . - انتبه كل الانتباه من الضربات و السقوط و الإصابات لأنها مثل ماقلت تتسبب في موت السلحفاة . - يفضل جدًّا انك تحط لها بيت بسيط صغير تدخل فيه عشان يكون مثل الغرفة المظلمة و بتلاحظ انها تحب تدخلها . - لو ربيت أكثر من سلحفاة لا تربي سلحفاة كبيرة مع سلحفاة صغيرة و حاول قد ماتقدر يكون أحجامهم متشابهة ، لأن السلاحف عادة ماتعتدي على السلاحف الي أصغر منها حتى لو كان الفرق بسيط . - لاتربي مع السلحفاة أي نوع ثاني من الحيوانات . * حاول قد ماتقدر تجرب تعطيها الأكل بيدك عشان تتعود عليك و تستانس انت لما توكلها . * ممكن تعود السلحفاة عليك لكنها تاخذ وقت طويل حتى تتعود عليك . =-= بالتوفيق و أتمنى اني أفدتك