[3obd]

أما انا يمكن موضوع كامل لحالي ما يكفي <<<<<<<<<<<<خخخخخخخخ مجرم كبير
كنت سنة 3 ابتدائي
مرة كان في قطوة مع عيالها في المدرسة وانا نفسي في قطوة
المهم أخذت وحدة من القطاوي الصغار الحصة ال6 وأحطها في الشنطة حصة كاملة
وبعدين طلعنا وصلينا الظهر وطلعنا بالباص حق المدرسة
وأنا بالباص طبعا معانا مدرس
والبسة ميو ميو ميو
واشتغلو الفتانين
يا استاذ يا استاذ عبدالله معاه بسه في الشنطة وانا علطول كذاب يا استاذ كذاب يا استاذ
المهم وصلت البيت وادخل وارميها في الصالة جنب الدولاب عشان ما احد يعرف انه انا جبتها ويوم تشوفها الوالدة وانا اغير ملابسي جوه ومسوي بريء
واسمع الوالدة تقول بسم الله بسم الله ايش هذا
وانا اجي جري اقول
ها من فين جات هذي البسه ؟ <<<<<<<<<<<<كذاب كبيييييير
ويوم جا الوالد طبعا اختبصت وانطبقت وانفقعت الهرجة واعترفت
المهم انه اليوم الثاني الوالد اجبرني ارجعها للمدرسة <<<قوة احرااااااج
المهم داخل المدرسة والطابور شغال
وانا معايه بسة في الكيس
ميو ميو ميو ميو والمدرسة كلها تطالع فيه ورجعتها لنفس المكان بس ما كان فيه لا امها ولا اختها
على العموم من بعدها وانا مشهوووووووور بالمدرسة
كل ما شافو بس بالمدرسة نادوني
__________________________________________________________
اما هذي اقوى من اللي قبلها
مرة هربت من المدرسة واروح سوق الطيور<<<<<<<<من يومي مجنون طيور وحيوانات
واشتريلي ارنب بقفص
واروح واحطه قدام باب البيت واكتب رسالة على القفص
الى صديقي العزيز عبدالله اتمنى ان تقبل مني هذه الهدية المتواضعة صديقك ابراهيم <<ابراهيم هذا اعز اصدقاء الطفولة والاهل يعرفونه وكان دايما يجيبلي هدايا وانا كمان أجيبله هدايا
على العموم سمعتني الوالدة وانا اقربع عند الباب وشافتني من العين السحرية وفتحت الباب وتقول عبدالله ايش جابك بدري
وانا اقول عندنا حفلة
وتقول ادخل ادخل
وطبعا انا مخبوووووووووووووص خربت الخطة وبأنكشف؟؟
و10 دقايق وجا الوالد وفي يده القفص ويقول
عبدالله ايش هذا ؟؟؟؟؟
وانا اقول
هاه ما ادري
والمشكلة القفص جابه الوالد والورقة اللي فيها الاهداء طايحة في الدرج ما جابها مع القفص وشكله ما قراها هههههههههههههههههههههههههههههههههههههههههههههههههههههههههههه
المهم انفرشت فررررررررررررررررررررررررررررررررش يمكن نص ساعة من الضرب المتواصل
على العموم من بعدها الكل اعترف بهوايتي وحبي للحيوانات وصار معترف بها رسميا في البيت