|
رد: طلب صغير وش نوع الحرباء هذي؟؟؟
حبيت أضيف ان الكرتون هذا مايصلح أبد تعيش فيه لو كان هو مكان عيشها غيّره
حطها في حوض أو قفص يكون واسع و تقدر الحرباء تتمشى فيه
و حاول يكون مرتفع شوي عشان تقدر تحط فيه أغصان للتسلق
و مكونات الحوض :
- تربة نظيفة من أي مكان و يفضل تكون مخصصة
- أغصان صناعية أو طبيعية نظيفة و مايكون فيها سوس أو شي ، و حاول تكون قوية و ناعمة وما فيها أشواك
- صخرة نظيفة متوسطة الحجم
- مجموعة أوراق صناعية نظيفة للزينة ( اختياري ) و حاول ترتبها بشكل حلو زي ماتحب في القفص/الحوض
- لمبة للتدفئة ( اللمبة الصفرا العادية )
بس حاول تخليها في مكان ماتوصل له الحرباء و حاول تخلي بينه و بينها مسافة كافية
ممكن تخليه برا القفص/الحوض أصلاً ، عشان ماتوصل له الحرباء
لأنه لو قربت منه مرة احتمال كبير يتسببلها في حروق
- لمبة UVB المخصصة للزواحف و تلاقيها في المحلات المتخصصة بالحيوانات
و هي مهمة و ماتقدر تعوضها الا بانك تشمس الحرباء يوميًا لمدة 10 دقائق في الصباح أو العصر فقط 
و عشان تريح نفسك من هذا كله اما تشتري اللمبة أو تحط القفص/الحوض نفسه في مكان تدخله أشعة الشمس ، يعني جنب الدريشة مثلاً مكان مناسب
--
و رش الحوض/القفص كل يومين رش خفيف بموية نظيفة
=-=
و بخصوص توفير الموية للحرباء عشان تشرب ، هي ماتشرب من صحن
يوميًا لازم تشربها بنفسك ، و طبعًا تشرب بالتقطير
خذ الحرباء كل يوم قطرلها موية شرب نظيفة على فمها و بتشوفها تشرب ، ممكن تقطرلها بقطارة أو بثلجة أو تشيل الحرباء نفسها على يدك و تخليها تحت صنبور موية مفلترة و تقطرلها
و تخليها تشرب لمدة دقيقة إلى دقيقتين و بتلاحظ انها ارتوت ، و لما تخلص نشفها بمنديل بس لاتشد عليها 
|