[g.s.990]

المشاركة الأصلية كتبت بواسطة طير الهوى

،،

مع مجرد كونها علامات طفيفة وبسيطة .. لكن ليه لا ؟

فعلا ً ممكن تكون أحد الفوارق بين الجنسين ..

لكن اللي لاحظته ان الطيور في المقاطع اللي انت حطيتهم .. الذكور ترفع رجلها بدون أي سبب .. لكن في المقطع الخاص فيك وكأن فيه احتمالية ولو بسيطة ان (كوكو) كان يحاول يمسك البلوفرونتد لانهم تناوشوا وهم يلعبون .. وهذا سبب رفعة الرجل .. بالإضافة إلى إسدال الجناحين .. شفتها في المقاطع الأولى بوضوح وما شفت كوكو يسويها ..

-------------------------

انا بصراحه ودي اذكر لكم تجربة بسيطة عملتها .. انا عندي كروان ذكر أليف اشتريته من احد الاصدقاء في 20 / 5 / 1429هـ .. يعني قبل 3 سنوات الا شوي .. وراح يدخل عمر الثلاث سنوات بعد 25 يوم ان شاء الله .. وانا اخذته وقتها فرخ بعمر الشهرين واعرف متى مفقس وكم عمره بالتحديد .. وطبعا ً تأكدت انه ذكر 100% بعد بلوغه في عمر السبع شهور ..

جميعنا نعرف مدى توالف الجنسين في الطيور حتى وان كانت من نوعين مختلفين .. لذلك خلال الفترة الماضية جربت أكثر من مرة اني أضع طيور يصعب تمييز جنسها أو لا يمكن الجزم بجنسها مثل الافريقي أو الأمازوني أو الكروانات الصغيرة في العمر ، ومما لا يصعب تمييز جنسها مثل البادجي أو الكروانات البالغة .. مع طيري الكروان اللي اسمه (كوكو) .. لتجربة مدى تمييزه للجنس فيها ..

في الطيور التي يمكن تمييز جنسها ومعرفة الذكور والإناث منها .. فعلاً أجد تجاوب وتوالف ما بين الاناث منها وبين كوكو بشكل عجيب .. بينما على النقيض تماماً .. هناك تنافر عجيب ما بين كوكو وتلك الطيور من الذكور .. وكانت النتائج معروفة 100% قبل التجربة .. وكذلك كانت النتيجة 100% يتوالف مع الاناث و 100% يتعارك مع الذكور ..

طبعا ً من علامات التوالف .. التودد .. والتصفيرات الغزلية .. والرقص .. والتبختر داخل القفص بفرد الجناحين .. والمشي بطريقة غريبة .. قد أشبّه ذلك بما يقوم به الخرب من أجل أنثى الحبارى .. وكذلك ذكر الطاووس لأنثاه ..

حاولت أجرب هالنظرية على طيور يصعب التمييز بين ذكورها واناثها .. وأحضرت 6 طيور أفريقية في نفس الوقت .. وأشوف وش يصير ..

لقيت طيور يتوافق معها كوكو بشكل مذهل أعطيه نسبة 90% .. بينما فيه طيور أخرى لا يطيقها بتاااااتاً .. فتوقعي كان ان اللي توافق معها ليست سوى اناث .. والأخرى من الذكور ..

قبل السنة وكم شهر اشتريت ريكو (بلوفرونتد) .. ولما وضعت قفصه بجانب قفص كوكو .. بدأ الغزل و(التميلح) والرقص والتصفير .. علطول عرفت ان (ريكو) انثى .. بناء على ما شاهدته خلال تجارب مضت ..

الآن مجرد ما أبعد القفصين عن بعض ما ألقى سوى ازعاج وصخب وتصفير (مناداة) .. كما هو الحال الذي يحدث عند فصل أي زوج من الطيور والمربين يعلمون الذي أقصده بالتأكيد .. يبدأ كل طير بالوقوف في الطرف الأقرب للقفص الآخر .. والالتفات بسرعة والبحث عن الآخر والتصفير وما إلى ذلك .. وعند إعادة تقريب الأقفاص تبدأ مراسم الفرح بالتصفير والرقص والتبتخر ..

طبعا ً كوكو يتحول في كل مرة من طائر أليف إلى نصف أليف .. بعد جمعه مع أي أنثى من أي نوع من الطيور .. في سبيل الدفاع عن أنثاه .. و يرجع أليف بعد فصله عنها ..

أما الآن فبالطبع هو شبه أليف .. لأنه متوالف مع البلوفرونتد (ريكو) .. و يتكلم الحمدلله 13 كلمة خمسة منهم تعلمها مني شخصيا والباقي والأغلب تعلمها من البلوفرونتد .. لأنه يحاول تقليده بأي شي يسويه ..

خلاصة التجربة هي وضع طائر ممكن تمييز جنسه للاستدلال عن طريقه بجنس الطائر الآخر الذي يصعب تمييز جنسه ..

ما رأيكم بهذا ؟

هل تؤيدون ما حدث ؟ أم هل هي مسألة إعجاب فقط في بعض الطيور الكبيرة ؟ بينما يقوم بعمل الصواب والانجذاب لكل ماهو أنثى من الطيور التي في حجمه أو أصغر لضمان هيمنته عليها ؟

بانتظاركم

،،

اخوي طير الهوى كلامك منطقي جداً

اعتقد طريقتك حيحه 100%

انا عندي غيني والمعروف انه في الشكل غير الافريقي وانا حايس معه هو ذكر ولا انثى

طريقة العيون ما تنفعة وكمان الذيل ما نفع

وبخصوص طريقتك اخي طير الهوى ما معي طير ثاني ولا اعرف احد عنده طير ثاني

والحمد لله طيري رجع اليف 100%

السبب بعض قاسي القلب خوفوه وعاملوه بقسوه

وانا ماكنت فيه

والمسكين جاته عقده نفسيه جديده من البشر

لكن تغلبت عليها بالرقه والمعامله الحسنه

يعطيك العافيه اخي ابو محمد وجميع من ابدأ رأيه

ودي..