أولاً أشكرك على المداخلة, ما قلت شي خطأ .. قريبك عنده الذكر بايد والانثى بايد(ما يهم بايد ايزابيلا ولا غيره المهم بايد) فطبيعي الصغار بيطلعون بايد, لو الأنثى مثلاً ما كانت بايد ما راح يطلعون الفروخ بايد لأن البايد بالذات يتطلب أنه الذكر والاثى يكونون بايد..
والأخت اللي فالمنتدى أكيد الزوج اللي عندها حامل لجينات البايد ولا مستحيل يطلعون الصغار بايد.
الموضوع مش معقد لذيك الدرجة الموضوع 1+1 = 2 اذا كنت تعرف نوع الزوج اللي عندك والجينات اللي يحملونها تقدر تتوقع بنسبة 100% الانتاج..
لكن اللي أوافقك فيه أنه الصعوبة تكمن في معرفة الجينات المخفية فمرات توقعك للانتاج يخيب بسبب جين مخفي ما عرفت عنه الا بعد الانتاج..
فبالمجمل المفيد نقدر نقول سهل وصعب التوقع فنفس الوقت, سهل لو تعرف طيورك والجينات اللي تحملها وصعب لو ما كنت تعرف..
بالنسبة للبايد سهل تعرف إذا كان الطير حامل لجينات البايد أو لا عن طريق الرأس والتاج.. لانه الحامل للبايد عادةً(وليس دائماً) تكون بقعه صفراء(أو بيضاء) على رأسه أو تاجه شوف مثلاً:
شوف الصفار على الرأس هذا يدل على أنه الطير حامل لجينات البايد..
وتشكر أخي على المداخلة, النقاشات هذي تؤدي إلى الفائدة..