[4ever-a-student]

بالفعل ممكن تكون جينات مخفية ما تظهر فالشكل بشكل واضح, لكن في كثير من الأحيان يمكن تحديد الجينات المخفية عن طريق أدلة بسيطة بعرض بعضها :

- ممكن نعرف أنه الكوكاتيل العادي يحمل جينات الوايتفيس (الوايتفيس: يعني بو وجه أبيض) من خلال بياض خلف بقعة الخد مثال:



شوف خد الذكر (اللي عاليمين) تلاقي ورى البقعة بياض هذا يدل على أنه يحمل جينات الوايتفيس.

- ممكن نعرف أنه الكروان يحمل جينات المصبع من خلال بقع خلف التاج(على الرأس) أو فالتاج نفسه , مثال:



طبعاً مب شرط تكون البقعة بهالحجم ممكن تكون أصغر بكثير..

____

وفيه حسابة للألوان تحط فيها نوع الذكر ونوع الأنثى ويقولك شو اللي بيكون فالإنتاج, الرابط: http://www.kirstenmunson.com/cockatiels/blue.html

ممكن زي ماقالوا الأخوان تكون فيه جينات مخفية ما تعرف عنها وتطلعلك فروخ ما أمها خص بالأبوين ههه, بس من خلال الفروخ راح تعرف شو الجينات المخفية فطيورك فبتعرف شو أنواعها بالضبط..

بعض الخبراء إذا ما عرفوا الجينات المخفية يقومون ويزوجون طيورهم عشان يعرفون الجينات المخفية عن طريق الفروخ.

أنا اللي قاهرني أنه معظم العرب اللي يكاثرون الكوكاتيل ما يعرفون بهالمواضيع وشغلهم عشوائي فعشوائي, تصدق لو كنت تعرف شو اللي تسويه تقدر تتنقى الفروخ وتطلع فروخ بالألوان اللي تبغيها..

العتب مب على الجهلة, العتب على الخبراء اللي ما ينشرون العلم.