|
هل من الطبيعي ترك قطتي بدون زواج؟
صباح / مساء الخير
قطتي صار عمرها سنة تمام ومن اسبوع صرت لاحظ عليها تغيرات
البلوغ تغير بالمزاج - العصبية - الحركة الزائدة - قلة الشهية (وخاصة أخر 3 أيام)
واخر الأعراض يلي طرأت المواء بشكل متواصل وبطريقة مزعجة والتقلب على الأرض بشكل كبير
وإصدار أصوات (وكأنها تنادي أحد)
مع العلم أن قطتي لا تخرج على الشارع نهائيا ً
طبعا الحل هو الزواج وخلطها مع ذكر
ولكن مشكلتي أنني ما بعرف أي حدى عندو قط ذكر
و مافي بمنطقتي دكتور موثوق وبيفهم
مع العلم أنو القطة اجتني هدية ولا أعرف إزا المحل أعطاها اللقاحات اللازمة
وأنا ما عطيتها أي لقاح وهي الحمد الله ما شكت من أي مرض وعلى طول مهتمة بنظافتها
بشكل كبير وحتى أني ما شفت عندها أي براغيت أو حشرات إلا نادرا جدا
المهم عندي كم سؤال وبحاجة إلى إجابة شافية ورجاء من غير اجتهادات بدون خبرة
لاني محتارة جدا وحزينة على وضعها هاد غير القلق والضجة يلي ما بئى أمي تستحملها
وتهديدها الدائم بترحيل القطة
1 - ما أضرار ترك القطة بدون زواج ؟
2- قديش رح تستمر دورة الشبق وطلب الزواج ؟
3- ما الطلب الذي يجب أن أطلبه من البيطري كي يساعدها (لأني بصراحة بخاف كتير من البيطريين التجار يلي ما بيخافو الله) ؟
4- هل من الممكن تلقيحها (تلقيح صناعي للحمل ) عند البيطري ؟
5- إذا تم تلقيحها عند البيطري هل من الممكن اختيار فصيلة القط يلي رح تتلقح منه ؟ (لانه قطتي نوعها شيرازي مون فيس وما بدي يصير تغير بالسلالة)
6- للمجربين هل تنصحونني باستئصال الرحم (لا أحبذ الفكرة) كحل جذري للمشكلة ؟
أرجو المساعدة بشكل سريع لان قلبي عم يتقطع على وضع قطتي ومو طالع بإيدي أي شي
ساعدوني جزاكم الله خيرا ً ......
|