[MdbohAlkobida]

شكرا وبارك الله فيكم يا أحلى حلوين والله ما قصرتو الصراحة

تحية لمصعب الله يجزاك خير يا أستادنا المحترم

المشاركة الأصلية كتبت بواسطة Musab Pro

موضوع الجراء حساس شوي .

انا انصحك تاخذها بعمر شهرين او اكثر .. تستفيد من التأخير هذا

تطوير لغة الاتصال بينها وبين اخوانها والام .. وبالتالي تقدر تعلمها

لغة اتصال بينك وبينها .

اما بالنسبه للاختيار بعطيك عدة نصايح وانت وكيفك .

لنفرض انك تبي تاخذ جرو مواصفات حراسه (اطبق هذي الاختبارات على الجيرمان)

ما يمنع تسويها على البيتبول او اي فصيله ثانيه .

بالنسبه للجنس .. حط كل الجراء عندك بشبك .. اختار الجنس اللي تبيه

اما ذكر او انثى ولنفرض انك اخترت ذكر .

شيل كل الاناث وطلعها من الشبك .

بالنسبه للبري درايف جيب فوطه او خيشه او عضاضه

وحوس فيها بينهم وشوف من يصمل اكثر و يصر انه ياخذها

واللي يترك الخيشه طلعه برى الشبك .

و بالنسبه للديفينس درايف تعرفه من اسلوب العض

لازم يكون (full mouth grip) يعني يعض بكامل فمه وليس بالجزء الامامي فقط

اللي يعض بس بالجزء الامامي استبعده و بعدين لاحض حركه الراس

اذا كان يهز راسه اثناء العض فهو الافضل واللي ما يهز راسه استبعده

بالنسبه للفايتينق درايف ممكن تعرفه من خلال قلب الكلب على ضهره

وتمسكه من عند الرقبه او الصدر .. وتحاول تثبته

اذا ثبت و ما عارض هذي الحركه استبعده

اذا حاول يفك يدك عشان ينحاش استبعده

الكلب الافضل اللي يحاول يعضك ويتهاوش معك

بالنسبه للطاعه .. تبين في مقدرة الكلب على التسامح .

والاختبار بهالمساله هو انك تخلي الكلب قريب منك وتلعبه شوي وتمسح عليه

وتخليه يهدء .. بعدين ارفع يده واضغط عليها .. عوره شوووي

اذا حاول يعضك فهذا التصرف طبيعي ولكن بعد ما تتركه هل بيبعد عنك ؟

ويحاول التهرب منك ؟.. اذا سواها خله يروح .ما يصلح لك .. اذا تسامح معك هذا ممتاز بالطاعه

وقابل لتصحيح الاخطاء بالتشوك تشين بالمستقبل .

واخيرا بالنسبه للشجاعه .. اخذه مكان غير البيئه اللي هو عايش فيها .

مثلا الشارع او غرفه داخل البيت .. وارم الصحن جنبه او اي شي يسبب ازعاج

شوف هل بيخاف لفتره طويله او شوي وبعدين يرجع طبيعي

اخذ اللي يرجع طبيعي بسرعه .

هذي مقتطفات وان شاء الله راح اسوي موضوع مفصل ومصور عن هالشي عن قريب .

اتمنى اني افدتك