[LoveNight]

اول شي الف مبروك على الطير

ثاني شي هذي خيانه موب اتفقنا اذا حصلت فرخ تعطيني خبر لاني ادور مثلك : )

الله يبارك لك عموما

ركز معي في كلامي لانه بيكون كافي

اول شي انا اشوف غلط جدا تقص جناح الطير حتى اذا البعض يسويها .. ترضى احد يجي يقص شعرك ويسويلك قصه ماتعجبك ؟
الطيور تحس وتتاثر نفسيا .. متعه الفرخ ابو 5 شهور انك تربيه مثل الطفل خله يطير وش المشكله دامه داخل البيت ..حاول تخليه يكون جمبك دايم وذلك عن طريق المكافات اذا سمع كلامك عطه اكل يحبه موب فصفص اشياء منوعه فاكه فلفل خضره اي شي يعشقه الطير


ادخل هنا وشوف كيف المتعه ومقاطع كثير مثلها وكلها تتدرب وهي صغيره وانت تبي تقص جناحه ؟


http://www.youtube.com/watch?v=WFDzcb8qlSM

المكاو متعته انه يصير بهالشكل موب تحجره بقفص وبس ..

ولا هو شي صعب اللي مهتوي الشي يقدر يسويه .. الحاجه الثانيه اذا ناوي تحجره بقفص كبر له القفص شوي خله يتوسع بعدين الطير لازم ( يتمغط ) لازم يمد جناحه ويشده حرام تخليه بقفص ضيق ..

بعدين توه جديد عليك تبي تقلبه على طول

شوي شوي اذا تبي نتيجه كويسه لازم صبر اما اذا بتستعجل ماراح تحصل اي نتيجه

تحياتي