[جورجي]

المشاركة الأصلية كتبت بواسطة kaznofa

اخوي تصميمها صعب شويه

لانه يبغالك خامات سهله التنظيف وتحكم كامل بدرجه الحراره بالداخل وفتحات للتهويه يعني موضوعها صعب شوي الا لو فكرت بصنع شئ بدائي فممكن يمشي معاك للاستخدام مره وحده وطريقته نفس طريقه الهوسبيتال كيج صندوق خشب مقفل من ثلاثه جهات والجهه الرابعه نصفها التحتي خشب والنصف الاعلى شبك وتسوي عند الكهربائي تسليكه للمبه 60 وات تحت الصندوق طبعا تكون مصمم لها مكان وتحط الفرخ بداخل هذا الصندوق بس الخشب صعب التنظيف شويه يعني يبغالك تسوي طبقه كثيفه نشاره خشب وتغيرها كل فتره طبعا ممزوجه بالبورده الي تقضي على الجراثيم وتلقاها عند محلات البيطره

وعلشان تريح راسك من وجع الدماغ الي مكتوب فوق كله اشتري وحده جاهزه وريح راسك
بالنسبه هنا في السعوديه ماعمري شفت حضانه بصراحه في محلات الطيور

البحرين ماعندي اي خلفيه عنها

بس تقدر تستوردها من المحلات المتخصصه في بريطانيا وغيرها ويجيك شئ مرتب وحلو وجاهز
وطبعا فيه منها اشكال والوان وفيه الي لفرخ واحد والي تشيل 4 فروخ وسعرها يتراوح مابين (1600 الى 4000 ) وفيه اغلى وفيه ارخص حسب الجوده والمواصفات

واذا ماتعرف احد يستورد لك او مالقيت هنا راسلني على الخاص ممكن ازودك برقم شخص ان شاء الله يستورد لك بسعر مناسب

تحياتي

مشكور أخوي على الطريقة ... الطريقة صعبة بعض الشيء
تقصد صندوق خشبي في قاعدته طبقتان ؟؟ الطبقة اللي فيها اللمبة واللي فوقها الشبك وفوقها النشارة ؟ وفوق النشار احط الفرخ ؟
بالنسبة لاسعارهم ماتوقعت انها كذا كنت احسبها مابين 300 الى 500 ريال
لو مالقيت واحتجت لها راح ارسلك لك
بالمناسبة انا بنت مو ولد