[صمت الأمل]

وعليكم السلام ورحمة اللهـ وبركاتهـ ..



اول شيء ألف ألف مبروكـ على فقس البيض وخروج الصيصان بالسلامهـ .. ان شاء اللهـ باقي البيض يفقس .



هل الفقاسهـ اللي عندكـ مروحتها محميهـ وبعيدهـ عن البيض ؟؟ اذا كانت محميهـ اتركـ الصوص داخل الفقاسهـ حتى يجف .. تقريبا يستغرق 8 _ 12 ساعهـ حتى يجف بالكامل ويستعيد نشاطهـ بسبب تعبهـ من كسر البيضهـ .



والفائدهـ الثانيهـ من تركـ الصوص داخل الفقاسهـ ان اخوانهـ اللي في البيض يسمعوهـ ,, وراح يتفاعلون معهـ ويفقسون بعدهـ .



اما اذا الفقاسهـ خطيرهـ على حياة الصوص ,, حطهـ في مكان دافئ وآمن وقريب من الفقاسهـ عشان يسمعهـ باقي الصيصان .



حاليا هل عندكـ مكان لتحضين الصيصان ؟؟ وقصدي ان هالمكان يكون دافئ وعندهم لمبة حرارة ويحميهم من الأطفال او الطيور والحيوانات الأخرى .



وحاول ماتعطيهم شيء ياكلونهـ في اليوم الأول عشان يخلص باقي الأكل اللي ببطنهم وتجف السرهـ وماتلتهب .. وممكن تعطيهـ نقاط ماء بإصبعكـ اذا الجو حار .



وبخصوص ان الصيصان تختنق من الأكل ,, انا قصدت اذا كانت الحبوب كبيرهـ عليهم .. مثل حبوب الشعير أو المشكل .. لأنهـ غير مناسب ابدا لعمرهم .



اسلق في اليوم الثاني رز أبيض سادهـ ,, بدون ملح أو بهارات . وافرمهـ بأصابعكـ شوي عشان يكون حجمهـ صغير ويسهل عليهم أكلهـ .



وعلمهم كيف ياكلونهـ بانكـ تنقر باصبعكـ على الأكل وتعطيهم اياهـ بطرف اصابعكـ ..



اذا تعلم واحد منهم راح يعلم اخوانهـ الباقين كيف ياكلون .



وأيضا ممكن تشتري الذرهـ المطحونهـ من السوق أو تسلق شعيريهـ وتفرم لهم الخضار ,, وتعرضهم لأشعة الشمس الباردهـ .



اما طريقة السكر اللي ذكرها أخوي وحيد انا ماجربتها ,, لكن ماأظن تحتاج سكر او شيء ..



سوي لهم مثل اللي تسويهـ لهم أمهم في الطبيعهـ وبإذن اللهـ تمشي أموركـ معهم ..



وتربية الصيصان سهلهـ ,, بس يبي لها حرص شديد في الأسبوع الأول .. وبعدها خلاص يعدي مرحلة الخطر .



بلغنا بالتطورات والأخبار ..




وان شاء اللهـ أفدناكـ ,, وفي أمان اللهـ .