[روسي2009]

السلام عليكم

ادري ان الموضوع يمكن مر عليكم كثير

وحاله تعتبر طبيعيه لكثير من القطط

لكن وجه الاختلاف عندي انو عندي قطه ( انثى ) عمرها 6 شهور تقريبا

وقبل امس شريت قط صغير عمره ( شهرين ) على مايقولون برىىىء براءة الاطفال

اللي حصل انو القطه اللي كانت ماليه البيت حنيه ودلع ولعب وماتنام الا عندي

من يوم شافته امس وحالها ينقلب فوق تحت , طبعا صارت تبخ وتمخش اي شخص يقترب منها

واعتقد اني اخطيت اني خليتهم يشوفون بعض على طول .. هو مايدري وش السالفه لكن هي اللي خافت وعصبت والا هو الوضع عنده عااادي

طبعا انا قريت اساليب عن تقريب روائحهم لبعض مثل مسحهم بمناشف وكل منشفه امس فيها الثاني وتبديل ( صحن الاكل ) بين الثنين والليتر بوكس

لكن كل هذا ماقدر اسويه بحكم ان القطه الانثى ماهي راضيه حتى اني اقرب منها وتمخش وتصدر اصوات ( تعبير عن الغضب )

حتى شهية الاكل للاسف قلت ( من امس ماكلت الا قبل شوي ) لحم من الغداء .. لان اكلها فوق بس ماهي راضيه ترقى فوق الدور الثاني .. لان هذاك برضوا فوق رغم انها هي بغرفه وهو بغرفه ثانيه لكن الظاهر انها تشم ريحته فما ترقى ..!!

الشاهد .. انها ماهي راضيه تخليني حتى اقرب منها

فياليت تعطونا حل الله يجزاكم خيييير




وبانتظار ردودكم ..

روسي