[أمجـاد]

المشاركة الأصلية كتبت بواسطة ام ماجد

اي اختي الزنجبيل الطازج فنجان من اللي تسوونه لشربكم
تخففينه في اربع فناجين مويه وتحطينه للطير
مره بالاسبوع

انا احط له فوطه فوقها الطربال علشان البرد صراحه قوي وعلشان مايقطع الطربال
بس اخلي فتحه صغيره علشان يتنفس

روشيه بس بغرفه داااافيه لين ينشف خليه اربع ساعات بنفس الغرفه علشان مايتغير عليه الجو ويمرض
احسن مره بالاسبوع واذا برد قارص كل اسبوعين

علشان العض حطي له خشب واشياء يعضضها

الله يحفظه هو ما يخلي الفوطة بحالها يعني الآحظه يرتجف من البرد وأحطها وأرجع الأقيه يلعب

فيها وأنا مو هامتني الفوطه نجيب بدالها بس أخاف ياكل الخيوط وتسبب له مشكلة بالأمعاء

بعيد الشر عنه

اليوم حطيت لوح خشب على القفص وحطيت فوقه الفوطه بطريقه أنها ما تلامس القفص والحمدلله إلى الآن ماشي الحال معاه بإذن الله نجيب الطربال بأقرب فرصة

بالنسبة للترويش أنا أروشه بشطاف الماي بدورة المياه وأنتوا بكرامة مو برشاش الماي

" حقت منظف الزجاج " ما احسه ينظف بس شكلي ما راح أروشه إلا إذا كان الجو دافي

بالنسبة للعض هو أكل الخشبة اللي يوقف عليها مو عضضها بس

بس زي ما قال الأخ ميدوزوم هو تعود إني أطلعه من القفص وأجلس جنبه فترة طويلة بس

ألحين أنا إنشغلت عنه بالدراسة فقام يسوي هالحركات عشان يلفت إنتباهي بس صراحة

يخوفني من شوي حطيت صبعي وكان بيقطعه لي

بسوي زي ما قلتي بحاول أجيب له ألعاب وأشياء ينشغل فيها

تسلمين أختي