[فرّي]

المشاركة الأصلية كتبت بواسطة صمت الأمل

العفو ,,


نسيت أذكر لكـ حركهـ حلوهـ للبيض ,,


لأن البيض البلاستيكـ مو متوفر بكل مكان ,, ممكن تحط بيضهـ مستغني عنها تحت الشمس مباشرة بضع أيام الى ان ينشف اللي داخلها ويتبخر .. وتكون البيضهـ قشرة فقط ..!!


وتحط عليها علامهـ بقلم رصاص عشان تميزها .. ثم تضيفها تحت الدجاجهـ عشان ماتدري انكـ تسرق بيضها .. !!


الحركهـ الثانيهـ تفرغ محتويات البيضهـ وتحط عليها علامهـ وتضيفها تحت الدجاجهـ ..



الحركهـ الثالثهـ والأخيرهـ انكـ تفرغ بيضهـ وتحشيها باسمنت أو جبس وتتركها حتى تنشف ,, ثم تضيفها تحت الدجاجهـ .



وهالطرق لها مميزات وعيوب ..


الطريقهـ الأولى تستغرق كم من يوم عشان تنشف البيضهـ بالكامل ,, وممكن اذا احد شافها ومايدري يمكن يرميها أو ياخذها ويطبخها ..!!


لكن ميزتها ان البيضهـ بتكون قويهـ وتتحمل وتجلس فترة طويلهـ قبل ماتنكسر في النهايهـ .


الطريقهـ الثانيهـ ميزتها انها سريعهـ وسهلهـ ..


لكن عيبها انها أضعف من الأولى بكثير بسبب الفتحات ,, وممكن وزن الدجاجهـ أو رجلها تكسر البيضهـ .


الطريقهـ الأخيرة ميزتها انها بتعييييييش فترة طويلهـ جدا بدون ماتتأثر ابدا .. وتقدر تزيل القشرة الخارجيهـ من البيضهـ وتلونها باللون الأبيض .


عيبها انها خطيرة جدا لو طاحت في يد بزر مجرم ..!!


ان شاء اللهـ أفدتك أكثر وأفدت أي احد يبغى ياخذ البيض بدون ماتكشفهـ المدام دجاجهـ وماترجن ..


تحياتي للجميع .

هههههههههههههههه والله طرق خطيرة

كنت شايل هم من ويين اجيب بيض بلاستيك


اشكرررك على الطرق وبجربهم ان شاء الله يعطيك العافية