[صمت الأمل]

كان عندي بنافذة احد الغرف جوز حمام .. وبعد فنرة صرت اسمع صوت زغلول ..


المهم بعد كم من يوم صرت أشوف الجوز مارجع .. وجات حمامهـ مختلفهـ تماما وصارت تنقر الزغلول ,,


الحمامهـ تبي العش وتبي تطرد الزغلول .. وهو راااافض يتحركـ ..


رحت فورا طردت الحمامهـ وأخذت الزغلول .. وكان يقطر دم وجلد راسهـ وظهرهـ مسلوخ تماما .. وعظمة الجمجمهـ واضحهـ ..


أخذت الزغلول وما أدري ويش أسوي فيهـ ..!! كان بعمر صغير تقريبا اسبوعين ..


رحت لأمي قلت لها كيف أوقف هالدم ؟؟ بيموت من النزف .. وماطاعني قلبي أذبحهـ أو أتركهـ بدون ما أحاول أعالجهـ ..


قالت لي رشي عليهـ طحين .. راح يمص الدم ويسوي عليهـ مثل طبقة جلد تحميهـ ..


وفعلا رشيت عليهـ طحين أبيض لين وقف النزيف .. وكان ضعيف وصغير ..


تركتهـ اليوم الأول عشان يرتاح ,, واليوم الثاني بدت اعادة التأهيل ومحاولات تأكيلهـ ..


في البدايهـ ما اقتنع ,, لكن يوم شاف الأكل نسى الخوف وصار يطلب ويرفرف بجنحانهـ عشان ياكل ..


سميتهـ براون .. لأن لون ريشهـ كان بني غامق ..


واللهـ رعايتهـ كانت صعبهـ جدا .. أقوم من النوم بدري بنص ساعهـ عشان اوكلهـ قبل ما أروح المدرسهـ .


واذا رجعت أول شيء لازم أروح أوكلهـ لأني ألقاهـ مييييت جوع ..


وبدت طبقة الطحين تتقرش وتطيح لأن جلدهـ بدا ينمو مرة ثانيهـ ..!!


ومع مرور الأيام كبر براون وسافر معي للشرقيهـ ومكهـ وبعض مدن المملكهـ . وكان لهـ صلعهـ بسبب هجوم الحمامهـ القديم وصلخها لفروة راسهـ ..!


وبلغ وطلع انهـ ذكر ,, وجبت لهـ انثى وسميتها مولينيكس لأنها بيضاء وعشان تصير مناسبهـ لإسم براون ..


أول ماجبتها لهـ كان يررررررتجف من الخوف .. ماعمرة شاف حمامهـ بعد الموقف المخيف اللي صار لهـ وهو زغلول .


وصار عندي منتجين كهربائيين وأنتجو تقريبا 18 مرة .. وعاش عندي سنتين ونص .


هذي صورتهـ :





وللأسف أختي الصغيرهـ اللهـ يهديها قتلتهـ السنهـ الماضيهـ ..


وهذا موقفي مع هالحمامهـ وطريقة علاج النزيف .


تحياتي للجميع .