[almer]

المشاركة الأصلية كتبت بواسطة عاشق هواكـ

السلام عليكم ورحمة الله وبــركاته

شبــاب الحقوني عندب فرخ ببغاء هولندي كان نشيط لكن الحين نافش ريــشه ويوقف على رجل

وحده واحس انـــه تعبان مع العلم ان برازه اكرمكم الله كويس لكن مادري من ايـــش

عطوني حل جزاكم الله خيـــر

الحل بسيط جدا جدا
ياخى خل الطير يشبع نوم ( حرام عليك )
عقب صلاة المغرب حطه بغرفة
مظلمه وخله ينام على الاقل 12 ساعه
ولا تنسى خل الاكل والماى عنده
لانه يقعد من النوم ياكل ويرد يكمل النوم

والوقفه على رجل وحده شى طبيعى وخصوصا بوقت الاسترخاء
ولف الرقبة اثناء النوم طبيعى جدا كل الطيور تنام بالطريقه هذى
ياخى تعال شوف الكاسكو اللى عندى شلون ينام اقسم بالله
تموت من الضحك اذا بغى ينام يحذف راسه للخلف والسلام
حتى وانا قاعد عنده عادى بدون مقدمات يحذف راسه وينام وهو واقف
على رجل وحده . صاير ما يحترم احد .
لاتحاتى الطير اهم شى النظافه وخل يشوف الشمس
ترى مفيده وخصوصا شمس الصبح ومعاها رشتين ماى من البخاخ
ولاتنوع بالاكل خل لما يستقر ويكبر شوى لان بعض الفواكه تسبب له اسهال
وخصوصا الطيور الصغيرة بالعمر
وعلى فكره التثاوب عند الكاسكو مثل الانسان لها معنى واحد وهو انه يبى ينام
ولا تقعدون تألفون على كيفكم . اذا شفت الطير يتثاوب خل بغرفه بروحه ينام
من وصفك انا متاكد انك حارم الطير من النوم من غير قصد وهذا سبب
تعب الطير .
هذا دواك وعلى الله شفاك